Sýret: bluescreen.kz
Bıyl baǵdarlamaǵa Qazaqstan, Qyrǵyzstan, О́zbekstan jáne Ázerbaıjan elderinen 49 startap ótinim berdi. Alǵashqy irikteý kezeńi men onlaın dıagnostıkadan keıin úzdik 10 joba tańdaldy. Qorytyndy kezeńge shyqqan startaptar arasynda otandyq «Outpeer», «Beksar», «BULT», «BeyimTech», «AMAN», «Oqylyq», «Ecodata», «Pwron.ai», «Q-send» jáne qyrǵyzstandyq «Onbir.app» startaptary bar.
«Hero Training» baǵdarlamasy óz tıimdiligin dáleldeı otyryp, startaptardyń aýqymdy deńgeıge shyǵýyna múmkindikter usynyp keledi. Aldyńǵy lekterde Qazaqstan, Qyrǵyzstan, О́zbekstan, Tájikstan, Mońǵolııa, Ázerbaıjan jáne Túrkııadan 37 fınalıst qatysyp, olar jalpy 2,7 mıllıon dollar ınvestısııa tartty. Biz startaptardy jańa deńgeıge kóterip, olardyń ǵalamdyq deńgeıge shyǵýyna kómektesetin platforma usynyp otyrǵanymyzdy maqtan tutamyz», dedi «Astana Hub» bas dırektory Maǵjan Mádıev.
Úshinshi lek fınalısteri Kremnıı alqabyndaǵy jetekshi sarapshylardyń mentorlyǵymen joǵary nátıjeler kórsetti. Olar birneshe vorkshoptarǵa qatysyp, «Survival Week» synaǵy barysynda ekstremaldy jaǵdaıda ómir súrý jáne jyldam sheshim qabyldaý daǵdylaryn ıgerdi.
Aıta keteıik, tarıhta alǵash ret elimizden shyqqan «BeyimTech» kompanııasy «Hero Training» baǵdarlamasynda birinshi oryn ıelenip, 26 elden kelgen 70 qatysýshynyń arasynan «Draper University 2024 úzdik komandasy» ataǵyn aldy.
«Startabymyzdyń sıfrlyq bilim berý salasyndaǵy ınnovasııalyq sheshim retinde moıyndalýy bizdiń aldaǵy damýymyzǵa jol ashady. Endi kompanııamyzdyń ataýy «Draper University»-niń qurmet taqtasynan oryn alatyn bolady. Sonymen qatar biz «Arizona State University»-men strategııalyq seriktestik ornatyp, «beyim.ai» platformamyzdy engizý boıynsha kelisim jasastyq. AQSh-taǵy «GSV Cup 50» bedeldi júldesine úmitker atanǵanymyz da maqtanyshpen aıta alamyz», dedi «BeyimTech» kompanııasynyń bas dırektory Nursultan Dúısebaev.
Sonymen qatar elimizdegi alǵashqy sıfrlyq jáne fızıkalyq qaýipsizdik qyzmetin usynýshy – «AMAN» jobasy da birneshe gıpotezany synap kórip, AQSh naryǵyna shyǵýǵa qajetti qundy aqparat jınady.
«Biz 26 elden kelgen startaptardyń negizin qalaýshylarymen tanystyq. Bul bizge halyqaralyq masshtabqa shyǵý múmkindikterin usyndy. Sondaı-aq baǵdarlama bizge kóshbasshylyq daǵdylardy meńgerip, komanda ishinde jumys isteýge kómektesti», dedi «AMAN» kompanııasynyń negizin qalaýshy Shyńǵys Erbolat.
Blokcheın negizinde aqsha aýdarymdaryn jasaýǵa arnalǵan platforma «Q-Send» AQSh jáne Qyrǵyzstan kompanııalarymen seriktestik ornatty. Al bıznes-prosesterdi avtomattandyrý jáne málimetterdi taldaý maqsatynda jasandy ıntellektini qoldanatyn startap – «Pwron.ai» Maıamı naryǵynda satý týraly kelisimge qol qoıdy.
