Saltanatty jıynnyń shymyldyǵy qazaq biliminiń qara shańyraǵy, elimizdegi alǵashqy oqý orny – Ál-Farabı atyndaǵy QazUÝ-dyń ótkeni men búgini týraly derekti fılmmen ashyldy. Uly oıshyl Ábý Nasyr ál-Farabı esimimen atalatyn oqý ordasynan kúni búginge deıin 200 myńnan asa maman túlep ushqan bolsa, olardyń qatarynda 80 akademık, 130 Memlekettik syılyqtyń laýreaty bar. Qazirgi sátte ýnıversıtette 3 265 oqytýshy-professor, onyń ishinde 24 akademık, 623 ǵylym doktory, 712 ǵylym kandıdaty, 582 PhD tabysty eńbek etip jatyr.
Mereıtoılyq is-sharada Memleket basshysy Q.Toqaevtyń quttyqtaý hatyn oqyp, jyly lebizin jetkizgen Memlekettik keńesshi Erlan Qarın irgeli oqý ordasynyń oqytýshy-professorlar quramy men stýdentterdi aıtýly datamen quttyqtady.
«Qadirli qaýym, barshańyzdy Ál-Farabı atyndaǵy Qazaq ulttyq ýnıversıtetiniń qurylǵanyna 90 jyl tolýymen quttyqtaımyn. Bul – tutas bilim jáne ǵylym salasynyń mereıli merekesi. QazUÝ – elimizdiń tuńǵysh joǵary oqý oryndarynyń biri. Qasıetti qarashańyraq ǵasyrǵa jýyq ýaqyt ishinde irgeli bilim ordasyna aınaldy. Bilikti mamandar ustahanasy retinde óziniń biregeı dástúrin qalyptastyrdy. Qazirgi jastar osy sabaqtastyqty saqtap, aǵa býynnyń jolyn laıyqty jalǵastyryp keledi. Bilim ordasy búgingi mereıtoıyna zor jetistiktermen jetip otyr. Bedeldi halyqaralyq reıtıngterde Ortalyq Azııa aımaǵyndaǵy joǵary oqý oryndarynyń kóshin bastaýy – sonyń aıqyn dáleli. О́skeleń urpaqty bilim, ǵylymǵa baýlyp, olardyń boıyna adal azamatqa tán qasıetterdi sińirý jolynda eńbek etip júrgen ýnıversıtet ujymyna shynaıy rızashylyǵymdy bildiremin. Sizder aldaǵy ýaqytta da osy mıssııany abyroımen atqarasyzdar dep senemin», delingen quttyqtaýda.
О́z kezeginde Erlan Qarın ýnıversıettiń elimizdegi bilim men ǵylym salasyna qosyp jatqan qomaqty úlesine toqtalyp, Prezıdenttiń bastamasymen júzege asyp jatqan mindetterdiń mańyzyn atap ótti.
«Bıyl elimiz úshin túrli synaqtarǵa toly boldy. Biraq soǵan qaramastan, alǵan baǵytymyzdan aýytqymaı, alǵa qoıǵan maqsattarymyzdy júzege asyrdyq. Búginde Memleket basshysy Qasym-Jomart Toqaevtyń bastamasymen elimizde úlken aýqymdy jáne tereń ózgerister júzege asyp jatyr. Bıyldyń ózinde jalpy quny, 1,2 trıllıondy quraıtyn 169 kásiporyn, óndiris oryndary iske qosylyp, 14 myńnan astam jańa jumys orny ashyldy. Qazirgi kezeńde elimiz ǵana emes búkil álem synaq ústinde tur. Memleket basshysy júrgizip otyrǵan saıasattyń túpki maqsaty – memleket irgesin myqty bekemdep, qýatyn arttyrý. Sondyqtan el damýy jolyndaǵy maqsat-múddelerdi iske asyrýda meılinshe toptasyp, jumyla atqarýymyz kerek. Ulttyq ýnıversıtet qashanda parasattylyqtyń, bilim men jańashyldyqtyń ordasy bolyp keledi. Qaı kezde de osy mártebeli bıiginen tómendemesin», dedi ol.
Jıyn barysynda Memlekettik keńesshi Erlan Qarın ýnıversıtettiń qyzmetkerlerine memlekettik nagradalar men jas ǵalymdarǵa páter kiltin tabys etti.
Saltanatty jıyn barysynda rektor Janseıit Túımebaev oqý ordasynyń ǵylymı zertteý, ınnovasııalyq qyzmetiniń nátıjeleri men jetistigine toqtaldy.
«Búgingi kúnniń ýnıversıtet úshin ǵana emes, el damýyndaǵy tarıhı mańyzy zor. Elimizdi ekonomıkalyq ósimge jetkizetin – sapaly bilim men irgeli ǵylym. Memleket basshysy Qasym-Jomart Toqaevtyń «Qazir – ǵylym men bilimniń zamany. Otanymyzdy kórkeıtemiz desek, eń aldymen, osy eki salany damytýymyz kerek» dep alǵa qoıǵan mindetin ýnıversıtet ujymy ár salada júzege tabysty júzege asyryp jatyr. Stýdent jastarymyz mádenıetti, ásempaz, bilimpaz bolýǵa bar kúsh-jigerin salyp keledi. Prezıdenttiń «Biz kóshke ilesetin emes, kóshti bastaıtyn elderdiń qatarynda bolýymyz kerek» degen sózin ýnıversıtet ujymy óz qyzmetinde árdaıym basty baǵdar etip ustanǵan. Ári qaraı da ýnıversıtet ǵylymı áleýetin nyǵaıtyp, barlyq salaǵa ınnovasııalyq tásilder engizýdi joǵary deńgeıde jalǵastyra beretin bolady», dep atap ótti rektor.
Sondaı-aq jıynǵa Ǵylym jáne joǵary bilim mınıstri Saıasat Nurbek, Almaty qalasy ákimi Erbolat Dosaev, sheteldik qonaqtar, memleket jáne qoǵam qaıratkerleri, oqý ordasynyń oqytýshylary, stýdentteri qatysyp, ýnıversıtet ujymyn mereıtoıymen quttyqtady.
Oqytýshy-professorlar quramy atynan sóz alǵan shetel fılologııasy jáne aýdarma isi kafedrasynyń professory Eleonora Súleımenova: «QazUÝ halyqaralyq reıtıngterde óziniń pozısııasyn joǵarylatyp, álemniń kóshbasshy joǵary oqý oryndarymen básekege qabilettiligin kórsetip keledi. Oqý orny qaıta órleý dáýirin bastan ótkerip, jyldam ári sapaly turǵydan jańaryp jatyr. Infraqurylymdy nyǵaıtýmen qatar ǵylymı jetistikterdi, jańa joǵary tehnologııalyq ónimderdi, bilim berý, akademııalyq utqyrlyq jáne qos dıplomdy baǵdarlamalar sátti júzege asyp jatyr. QazUÝ – álemdik deńgeıdegi zertteý ýnıversıteti retinde strategııalyq mindetterge den qoıa otyryp, elimizdiń áleýmettik-ekonomıkalyq damýyna laıyqty úles qosyp keledi», dep atap ótti.
Ic-shara barysynda ýnıversıtet jetistikteri men halyqaralyq baılanystar jáne ǵylymı-ınnovasııalyq jobalaryna arnalǵan kórme uıymdastyrylyp, munaı-hımııa, IT, medısına, jasandy ıntellekt, bıologııa, fızıka, ǵaryshtyq tehnologııa, geografııa salalary boıynsha júrgizilip jatqan ınnovasııalyq jobalardyń nátıjesi tanystyryldy. Búginde ýnıversıtette jalpy quny 36 mlrd teńgeni quraıtyn 400-den astam joba júzege asty. Qazirgi kezde oqý ordasynda 7 ǵylymı zertteý ınstıtýty, 140 ǵylymı zerthana, 34 ǵylymı ortalyq pen 2 ujymdyq paıdalaný zerthanasy jumys istep jatyr.
Saltanatty jıyn qatysýshylardyń jyly lebizimen jalǵasyn taýyp, mereıtoılyq konsertke ulasty.
ALMATY
