Qazaq SSR Halyq ártisi, Memlekettik syılyqtyń laýreaty Bıken Rımova shyǵarmashylyq jolyn Muhtar Áýezovtyń «Eńlik-Kebek» qoıylymyndaǵy Eńlik rólin somdaýdan bastaǵan.
Teatrdaǵy rólderi kóbinese áıel obrazyn ashýǵa, bolmysyn kórsetýge baǵyttalǵan. M.Áýezovtyń «Eńlik-Kebeginde» Eńlik, «Qarakózde» Marjan, Sh.Aıtmatovtyń «Ana-Jer-Anasynda» Jer-Ana, N.Gogoldiń «Revızorynda» Poshlepkına t.s.s. rólderin erekshe atap ótýge bolady.
Aktrısa «Taqııaly perishte», «Meniń atym Qoja», «Shabandoz qyz», «Qozy Kórpesh pen Baıan Sulý» syndy birqatar kınolarda, ómiriniń sońǵy jyldary otandyq «Toǵysqan taǵdyrlar» telehıkaıasynda rólderin somdady.
