Oblys ákiminiń orynbasary, Qazaqstan Respýblıkasy Prezıdentiniń «Baıqońyr» keshenindegi arnaýly ókili Qaırat Nurtaı jyl toǵysyndaǵy qýanyshqa jıylǵan turǵyndardy quttyqtap, óńirdegi jetistikterge toqtaldy.
– Jyl máresindegi jańa ǵımarattar – tynymsyz eńbektiń nátıjesi. 2024 jyly oblystaǵy densaýlyq saqtaý salasynyń bıýdjeti 146 mlrd 200 mln teńgege jetip, «Aýyldyq densaýlyq saqtaýdy jańǵyrtý» ulttyq jobasy aıasynda óńirimizdiń barlyq aýdanynda quny 10 mlrd 200 mln teńge bolatyn 27 medısınalyq nysan salynýy josparlanǵan bolatyn. 16 dárigerlik ambýlatorııa paıdalanýǵa berildi. Qalǵan 11 nysannyń qurylysy da aıaqtalyp keledi.
О́tken jyly bilim salasyna bólingen qarjy 264 mlrd teńgege jetip, aldyńǵy jylmen salystyrǵanda 9,3 paıyzǵa artty. «Bilimdi qoldaý qorynyń» qarjysyna Qyzylorda qalasynda fızıka-matematıka mektep-ınternaty, 10 mlrd 900 mln teńgege «Innovasııalyq-shyǵarmashylyq ortalyǵy», «Saýts Oıl» kompanııasynyń demeýshiligimen quny 4 mlrd 800 mln teńge bolatyn mýzykalyq kolledjdiń jańa ǵımaraty boı kóterip keledi. Bular bıylǵy jyly paıdalanýǵa beriledi.
Qazan aıynda óńirde el Prezıdentiniń bastamasymen qolǵa alynǵan «Jaıly mektep» ulttyq jobasymen salynǵan 900 oryndyq bilim ordasy tabystaldy. Bul – elimizdegi ulttyq joba sheńberinde paıdalanýǵa berilgen mektepterdiń alǵashqylarynyń biri. Búginde jalpy 6 000 orynǵa laıyqtalǵan osyndaı 9 bilim oshaǵy salynyp jatyr. О́ńirde áleýmettik saladaǵy aýqymdy jumystar jalǵasyn tabady, – dedi Qaırat Nurtaı.
Mektep-ınternet janyndaǵy qosymsha ǵımaratta oıyn zaly, muǵalimderge, ul-qyzdarǵa arnalǵan bólek bólmeler, jýyný bólmeleri men sporttyq qural-jabdyq qoıatyn oryn qarastyrylǵan.
Aýdan ortalyǵynan shalǵaıda jatqan Qýańdarııa aýylyndaǵy feldsherlik-akýsherlik pýnkt qurylysy maýsym aıynda bastalyp, jańa jyl qarsańynda aıaqtaldy. Onda turǵyndarǵa medısınalyq qyzmet kórsetýge arnalǵan arnaıy kabınetter jabdyqtalyp, shet aýyldaǵy aǵaıyn aýyra qalsa janyna shıpa bolatyn barlyq jaǵdaı jasalǵan.
Qyzylorda oblysy,
Qarmaqshy aýdany
