Qazaqstan Respýblıkasy Ishki ister mınıstriliginiń buıryǵy №381

2015 jylǵy 20 sáýir,  Astana qalasy Halyqqa jáne azamattyq qorǵaý salasyndaǵy mamandarǵa habar berý, bilimdi nasıhattaý, oqytý qaǵıdalaryn bekitý týraly «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-baby 1-tarmaǵynyń 70-13) tarmaqshasyna sáıkes buıyramyn: 1. Qosa berilip otyrǵan Halyqqa jáne azamattyq qorǵaý salasyndaǵy mamandarǵa habar berý, bilimdi nasıhattaý, oqytý qaǵıdalary bekitilsin. 2. Qazaqstan Respýblıkasy Ishki ister mınıstrliginiń Tótenshe jaǵdaılar komıteti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kún ishinde ony merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda jarııalaýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary V.K. Bojkoǵa júktelsin. 4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Mınıstr polısııa general-leıtenanty Q. QASYMOV Qazaqstan Respýblıkasy Ishki ister mınıstriniń 2015 jylǵy 24 sáýirdegi № 381 buıryǵymen bekitilgen Halyqqa jáne azamattyq qorǵaý salasyndaǵy mamandarǵa habar berý, bilimdi nasıhattaý, oqytý qaǵıdalary 1. Jalpy erejeler 1. Osy Halyqqa jáne azamattyq qorǵaý salasyndaǵy mamandarǵa habar berý, bilimdi nasıhattaý, oqytý qaǵıdalary (budan ári – Qaǵıdalar) «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń (budan ári – Zańy) 12-baby 1-tarmaǵynyń 70-13) tarmaqshasyna sáıkes ázirlendi jáne halyqqa jáne azamattyq qorǵaý salasyndaǵy mamandarǵa habar berý, bilimdi nasıhattaý, oqytý tártibin aıqyndaıdy. 2. Halyqqa jáne azamattyq qorǵaý salasyndaǵy mamandarǵa habar berý, bilimdi nasıhattaý, oqytý tártibi 2. Azamattyq qorǵaý salasyndaǵy ýákiletti organnyń vedomstvosy (budan ári – ýákiletti organnyń vedomstvosy) tótenshe jaǵdaıdyń týyndaý qateri týraly boljam bolǵan kezde kúni buryn halyqqa habar berýdi qamtamasyz etedi jáne azamattyq qorǵaý salasyndaǵy bilimdi nasıhattaýdy uıymdastyrady. «Azamattyq qorǵaý týraly» Qazaqstan Respýblıkasynyń Zańymen júktelgen ókilettikterge sáıkes memlekettik organdar, uıymdar men qoǵamdyq birlestikter azamattyq qorǵaý salasynda habar berýdi jáne bilimdi nasıhattaýdy júzege asyrady. 3. Azamattardyń qaýipsizdigi men densaýlyǵyna qater tóndiretin tótenshe jaǵdaılar týraly aqparat jarııa jáne ashyq bolyp tabylady jáne azamattyq qorǵaýdyń qulaqtandyrý júıesi men buqaralyq aqparat quraly arqyly halyqqa beriledi. 4. Jaǵdaıdy qadaǵalaý, baqylaý men tabıǵı jáne tehnogendik sıpattaǵy tótenshe jaǵdaılardy boljaý qyzmeti (seısmologııalyq qyzmet, sel júretinin habarlaý, radıasııalyq qaýipsizdikti baqylaý júıeleri jáne basqalar) aldyn aly maqsatynda Qazaqstan Respýblıkasynyń aýmaǵynda jáne (nemese) irgeles memleketterdiń shekara mańyndaǵy aýmaǵynda tótenshe jaǵdaılardyń týyndaý qateri kezinde ýákiletti organ vedomstvosynyń tıisti aýmaqtyq bólimshesine onyń sıpattamalaryn kórsete otyryp, qajetti aqparatty dereý usynady. 5. Ýákiletti organ vedomstvosynyń aýmaqtyq bólimshesi tótenshe jaǵdaıdyń týyndaý qateri týraly aqparat alǵan kezde bul týraly tótenshe jaǵdaılar boljanatyn aımaqtaǵy halyqqa, sondaı-aq tótenshe jaǵdaılar týyndaǵan kezde olardyń is-áreketi tártibi týraly dereý habar beredi. 6. Ortalyq jáne jergilikti atqarýshy organdar halyqqa azamattyq qorǵaý salasynda ózderi qabyldaǵan sharalar týraly habar beredi. 7. Azamattyq qorǵaý salasynda habar berý jáne bilimdi nasıhattaý: 1) halyqqa buqaralyq aqparat quraldary arqyly, onyń ishinde respýblıkalyq jáne oblystyq (qalalyq) telearnalarda arnaıy baǵdarlamalar qurý arqyly, tótenshe jaǵdaılar kezindegi is-qımyl tártibi týraly habar berýdi uıymdastyrýdy; 2) azamattyq qorǵaý salasyndaǵy bilimdi, turmystaǵy jáne óndiristegi qaýipsizdik qaǵıdalaryn nasıhattaıtyn turaqty jarııalanymdardy, basylymdarda, ınternet-resýrstarda, teleradıo habarlaryn taratý jelileri boıynsha habarlardy berýdi uıymdastyrýdy qamtıdy. Azamattyq qorǵaý salasynda bilimdi nasıhattaý halyqty osy Qaǵıdalardyń 9-tarmaǵyna sáıkes azamattyq qorǵaý salasynda oqytý kezinde de júzege asyrylady. 8. Azamattyq qorǵaý salasyndaǵy bilimdi nasıhattaý josparyn ýákiletti organ vedomstvosynyń aýmaqtyq bólimsheleri jergilikti atqarýshy organdarmen kelisý boıynsha ázirleıdi jáne bekitedi. 9. Azamattyq qorǵaý salasynda halyqty jáne mamandardy oqytý osy biryńǵaı júıe sheńberinde uıymdastyrylady jáne mynalardy: 1) azamattyq qorǵaýdyń basqarý organdarynyń basshy quramy men mamandary, bilim berý uıymdarynyń, buqaralyq aqparat quraldarynyń basshylary úshin ýákiletti organ vedomstvosynyń jáne yntymaqtastyq týraly ýákiletti organ kelisim jasasqan shet memleketterdiń uıymdary men oqý oryndarynda daıarlyqtan jáne qaıta daıarlyqtan ótýdi; 2) qaladaǵy aýdandardyń, aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderi, sondaı-aq uıymdardyń, mektepke deıingi tárbıe berý jáne oqytý uıymdarynyń basshylary, azamattyq qorǵaý quralymdarynyń komandırleri, uıymdardaǵy azamattyq qorǵaý jónindegi sabaq toptarynyń jetekshileri, barlyq túrdegi jalpy bilim beretin mektepter men orta kásiptik oqý oryndarynyń oqytýshylary, qaýipti óndiristik obektilerdiń basshylary úshin ýákiletti organnyń aýmaqtyq bólimshelerinde daıarlyqtan jáne qaıta daıarlyqtan ótýdi; 3) Zańnyń 16-baby 5-tarmaǵynyń 4) tarmaqshasyna sáıkes azamattyq qorǵanys boıynsha sanattarǵa jatqyzylǵan uıymdardyń jumyskerleri úshin jumys orny boıynsha daıarlyqtan ótýdi; 4) azamattyq qorǵanys boıynsha sanattarǵa jatqyzylmaǵan uıymdardyń jumyskerleri úshin, sondaı-aq jumys istemeıtin halyq úshin – radıohabarlardy tyńdaý, ınternet-resýrsty, telebaǵdarlamalardy, jadynamalardy, paraqshalar men býkletterdi qaraý, tótenshe jaǵdaılardyń aldyn alý jáne olardy joıý taqyryby boıynsha ótkiziletin is-sharalarǵa barý arqyly tótenshe jaǵdaılardan qorǵaný máselelerin derbes zerdeleýdi; 5) oqý oryndarynyń stýdentteri jáne oqýshylary úshin – «О́mir qaýipsizdiginiń negizderi» pániniń oqý baǵdarlamalary boıynsha sabaqtar ótkizýdi, tótenshe jaǵdaılardyń aldyn alý taqyryby boıynsha túrli konkýrstarǵa qatysýdy; 6) mektepke deıingi mekemelerdegi balalar úshin – oıyndar ótkizýdi, qorshaǵan ortadaǵy qaýipsiz júris-turys boıynsha ertegiler men balalarǵa arnalǵan kitaptardy tyńdaýdy, ata-analarymen áńgimelesýdi; 7) azamattyq qorǵaý salasyndaǵy mamandar úshin yntymaqtastyq týraly ýákiletti organmen kelisim jasasqan Qazaqstan Respýblıkasynyń jáne shet memleketterdiń oqý oryndarynda daıarlyqtan ótýdi kózdeıdi. 10. Is-qımyl daǵdylaryn pysyqtaý jáne alǵan bilimderin bekitý úshin halyq jáne azamattyq qorǵaý salasyndaǵy mamandar turǵylyqty jeri, oqý jáne jumys orny boıynsha oqý-jattyǵýlar men mashyqtanýlarǵa tartylady. 11. Tótenshe jaǵdaılar men áskerı qaqtyǵystar týyndaǵan kezde nemese osy qaqtyǵystar saldarynan qorǵaný tásilderi men is-qımyldarǵa azamattyq qorǵaýdyń basqarý organdary men kúshteriniń basshylaryn, mamandaryn daıarlaýdyń, halyqty oqytýdyń oqý baǵdarlamasyn Zańnyń 12-baby 1-tarmaǵynyń 42) tarmaqshasyna sáıkes ýákiletti organ bekitedi. 12. Árbir oqý tobyn oqytý praktıkalyq jattyǵýlar ótkizýmen jáne testilik tapsyrmalar tapsyrýmen aıaqtalady. Buıryq Qazaqstan Respýblıkasynyń Ádilet mınıstrliginde 2015 jylǵy 22 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11134 bolyp engizildi.