Sýretti túsirgen – Erlan OMAR, «EQ»
О́ńirdegi fermerler men jeke turǵyndardyń qystaǵynda 456 myń qara mal, 623 myń qoı men eshki bar.
«Bıyl jazda jem-shóp daıyndalǵan shabyndyqtar aýmaǵy 281 myń gektardy qurap, ótken jylǵydan 19 myń gektarǵa artyq boldy. Nátıjesinde fermerlerimiz bir jarym jylǵa jetetin mal azyǵyn qamdap aldy. Shamamen 1 mln 835,6 myń tonna shóp shabylyp, jospar artyǵymen oryndaldy. Buǵan qosa 112,3 myń tonna pishendeme, 182 myń tonna súrlem, 317 myń tonna saban daıyndaldy. Shabyndyqtarda maıalanǵan shóptiń 91%-y qystaqtarǵa jetkizildi», deıdi Pavlodar oblysy aýyl sharýashylyǵy basqarmasy basshysynyń orynbasary Tólegen Kósherbaev.
Aımaqtaǵy iri qara maldyń 17,6%-y asyl tuqymdy. 168-den astam sharýashylyq asyl tuqymdy sıyrlardy ósirýmen aınalysady. Et baǵytynda – qazaqtyń aqbas sıyry, gereford, aberdın-angýs, áýlıekól tuqymdary, sút baǵytynda sımmental, golshtın, qyzyl dala túrleri ósirilip otyr. Al usaq maldardyń 3,9%-y, jylqynyń nebári 2,4%-y ǵana asyl túlik sanalady.
Statıstıkalyq derekter aımaqtaǵy iri qaranyń azaıǵanyn kórsetedi. 2022 jyly óńirde 527,8 myń túlik sanalsa, qazir olardyń sany 467 myńnan sál asady. Al jylqy sońǵy eki jylda 58 myńǵa ósken. Oblysta túıemen aınalysatyn sharýashylyqtar da kóbeıe túsken. 2022 jyly aımaqta Zeńgi baba tuqymynyń 32 túligi tirkelse, búginde olardyń sany 150-ge jýyqtaǵan.
Pavlodar oblysy
