Qazaqstan – Katar qatynasynyń deńgeıi joǵary

Elbasy Nursultan Nazarbaev Katar Memleketiniń syrtqy ister mınıstri Haled ál-Atyıany qabyldady, dep habarlady Prezıdenttiń baspasóz qyzmeti. Kezdesý barysynda saýda-ekonomıka, ınvestısııa jáne kó­lik-tranzıt salalaryndaǵy yn­ty­maqtastyq máseleleri talqylandy. Nursultan Nazarbaev Qa­zaq­stan men Katardyń qarym-qatynasy joǵary deńgeıde ekenin atap ótti. – Sizdiń saparyńyz ynty­maq­tastyǵymyzdyń deńgeıin odan ári kóterýge septigin tıgizetinine senimdimin. Katar bizdiń elorda­myzdyń qurylysyna, sonyń ishinde «Nur Astana» meshitiniń qurylysyna járdem etti. Sonymen qatar, Semeı polıgonyndaǵy ıadrolyq synaqtardan zardap shekken jandar úshin Semeı qalasynda salý josparlanǵan saýyqtyrý orta­lyǵynyń qurylysyna jasal­ǵan kómekke rızashylyq bildirgim keledi, – dedi Memleket basshysy. Bul joba N.Nazarbaevtyń má­denıet, bilim jáne áleýmettik baǵdarlamalar qory men Katar damý qorynyń ózara yqpaldastyǵy negizinde júzege asyrylýda. Haled ál-Atyıa óz kezeginde Katar Ámiriniń sálemin jetkizip, ekijaqty yntymaqtastyq odan ári nyǵaıa beredi dep úmittenetinin bildirdi. Sýretti túsirgender S.BONDARENKO, B.OTARBAEV.