Jergilikti máselelerge mán berdi

Májilistegi «Aýyl» partııasy fraksııasynyń depýtattary Anas Baqqojaev pen Tańsáýle Serikov aımaqtarǵa sapary aıasynda Qyzylorda qalasyn­daǵy iri óndiris oryndarynyń biri «Kvant» zaýytynda boldy. Depýtattar zaýyttyń qazirgi tynys-tirshiligimen tany­syp, jumysshylarmen kezdes­ti. Áńgime barysynda ha­lyq qalaýlylary Májilistegi zań shyǵarý qyzmeti týraly, sonyń ishinde áleýmet­tik-ekonomıkalyq baǵytta qabyl­danyp jatqan zańdar týraly aqparat berdi. 5 myń sharshy metrdi qamtıtyn kásiporyn tolyqtaı avtomattandyrylǵan júıe negizinde jumys isteıdi. Munda 100-den asa metall túrleri óńdeledi.

«Eldegi óndiris salasyn damytý úshin osy «Kvant» sııaqty zaýyttarǵa basa kóńil bólý kerek. Osyndaı kásiporyndardy kóbirek qoldaýdy usynamyn. О́ıtkeni onyń el ekonomıka­syn arttyrýǵa qosatyn úlesi ­zor», dedi A.Baqqojaev.

Al T.Serikov «Kvant» zaýytynyń básekege qabilet­tiligin arttyrýdyń, óndiris oryndarynyń ishki naryq­taǵy belsendiligin kúsheıtý­diń mańyzyn atap ótti. Sony­men qatar satyp alý júıe­sin jetildirý arqyly otandyq zaýyttardyń damý qarqynyn aıtarlyqtaı arttyrýǵa bolatynyna nazar aýdardy.

Almaty qalasyna jumys sapary aıasynda Májilistegi «Qazaqstan Halyq partııasy» fraksııasynyń depýtaty Irına Smırnova ekologııalyq máseleler boıynsha partııa­nyń saılaýaldy baǵdarlama­syna sáıkes №1 Jylý elektr ortalyǵynyń jumys barysymen tanysty. Sapar bary­synda I.Smırnova «AlES» AQ (JEO-1) kózderinde ornatylǵan shyǵaryndylardy baqylaý­dyń avtomattandyrylǵan jú­ıesi­niń jumysymen tanysty. Júıe ekologııalyq baqylaý­dyń ashyqtyǵyn arttyrý­ǵa jáne atmosferaǵa zııandy shyǵaryndylardy azaıtýǵa baǵyttalǵan.

«2017 jyldan bastap jylý elektr ortalyǵy gazǵa kóshti. Bul zııandy zattardyń shyǵaryndylaryn ondaǵan esege azaıtty. Qalany jylýmen qamtamasyz etý boıyn­sha júıeli jumystar uıym­das­tyrylyp, jolǵa qoıyldy. Degenmen kadr máselesinde problemalar bar. Munda ómirlerin osy mańyzdy iske arnaǵan otbasylyq áýletter bar. Instıtýt, kolledj túlek­teri is júzinde óndiriske kele bermeıdi», dedi depýtat.

Májilis depýtaty JEO bas­shylyǵymen SO₂ sııaqty az mólsherde shyǵarylatyn gazdardy qala kásiporyndaryn­da paıdalaný úshin jınaý múm­kindigin talqylady. Bul aýa­ny jaqsy tazartýǵa, sondaı-aq energetıkalyq kásiporyn­nyń ózi paıda tabýyna yq­pal etedi. Sondaı-aq megapo­lıs­tiń ekologııalyq jaǵda­ıyn jaqsartý úshin kadr­lyq qamtamasyz etý, ekologııalyq bastamalardy júzege asyrý jáne ozyq tehnologııalardy engizý múmkindikterine qatysty basqa da máseleler qaraldy.

Al «Amanat» partııasy fraksııasynyń músheleri Bolatbek Nájmetdınuly men Danabek Isabekov Shymkent qalasyndaǵy Momynov kóshe­siniń boıynda salynyp jat­qan temirjol ótkeliniń qury­lysymen tanysyp, jergilikti turǵyndarmen kezdesti.

Joba aıasynda temirjoldyń ústinen tórt jolaqty aspaly kópir salynyp, ol jaıaý júrginshilerge arnalǵan jolmen jabdyqtalady. Sonymen qatar jol qaýipsizdigin qam­tamasyz etý úshin jaryq­shamdar ornatylady. Qury­lys 2024 jyldyń qarashasyn­da bastalǵan. Nysandy aralap kórgen depýtattar qury­lys jumystarynyń sapaly ári ýaqytynda oryndalýyn qadaǵalaý qajettigin erekshe atap ótti.

«Megapolıstegi halyq sa­nynyń artýynan kólik kep­telisiniń jıileı túsetini belgili. Al osyndaı aspaly kópirler men jolaıryqtar halyq­tyń júrip-turýyn jeńildetip, qaýipsizdik deńgeıin arttyrady. Mundaı aýqymdy nysandy jobalaǵanda, jergilikti halyqtyń usynystary men pikirlerin eskerý kerek. Eń ­bastysy salaǵa jaýapty aza­mattardy qurylys jumysta­ryn sapaly júrgizilýin qada­ǵa­laý­­dy myqtap qolǵa alýǵa ­sha­qyramyn», dedi Bolatbek Naj­metdınuly.

Shymkentte Tilenshın kó­shesiniń boıynda taǵy bir as­paly kópir salynyp jatyr. Eki nysandy da 2025 jyldyń sońyna deıin paıdalanýǵa be­rý josparlanyp otyr. Joba­lardy júzege asyrý qala tur­ǵyndarynyń ómir súrý jaǵ­daıyn jaqsartýǵa, kólik qyz­metiniń tıimdiligin art­tyrýǵa, kólik qaýipsizdigin qam­tama­syz etýge yqpal etedi.