Foto: ashyq derekkóz
Onyń aıtýynsha, Sırııa ulttyq dıalog jónindegi konferensııany uıymdastyrýǵa asyqpaıdy.
Konferensııanyń maqsaty — burynǵy prezıdent Bashar Asad ketkennen keıingi eldiń jańa baǵytyn aıqyndaý úshin ártúrli saladaǵy sırııalyqtardy biriktirý.
«Biz Sırııa qoǵamy men bıliginiń barlyq sektorlarynyń jan-jaqty ókildigin qamtamasyz ete alatyn daıyndyq komıtetin qurý múmkindigin alý úshin ulttyq dıalog konferensııasyn ótkizýge asyqpaımyz», dedi ash-Shaıbanı.
Bul málimdeme Sırııa delegasııasynyń Iordanııa bıligimen kelissózderge qatysý úshin Ammanǵa sapary barysynda aıtyldy.
Reıter agenttigi buǵan deıin jańa úkimet konferensııanyń ótetin kúnin áli sheshpegenin, al jaqynda oppozısııalyq toptardyń birneshe múshesi shaqyrtý almaǵanyn habarlady.
Túrkııa prezıdenti Rejep Taıyp Erdoǵan seısenbi kúni Sırııa eli esin jıyp, qalpyna kelý úshin ýaqyt kerek ekenin aıtty. Ol 13 jylǵa sozylǵan azamat soǵysynda ınfraqurylymǵa keltirilgen zalal kútkennen de aýyr bolǵanyn atap ótti.
Bashar Asad 8 jeltoqsanda bılikten qulaǵannan beri Túrkııa kórshisin qalpyna keltirýge qandaı kómek qajet bolsa, kómektesetinin birneshe ret aıtyp, elektr qýatyn jetkizý máselesin talqylaý úshin úkimet delegasııasyn jiberdi.
