Jańa termınal ashyldy

Qurylysy biraz ýaqytqa sozylǵan termınaldyń ashylý saltanatyna qala ákimi Ǵabıt Syzdyqbekov, «SCAT» áýe kom­panııasy» AQ prezıdenti Vla­dımır Denısov qatysty. Sha­har basshysy men áýe kompanııa prezıdenti termınal zal­da­ryn aralap, jańa keshen­niń múm­kindikterimen tanys­ty. So­nymen birge saltanatty ashy­lý merekesi aıasynda Astana – Shymkent baǵytyndaǵy alǵashqy reısti qarsy alý men reısti shyǵaryp salý is-sharasy uıymdastyryldy. Quttyqtaý sóz sóılegen qala ákimi áýejaı­dyń keńeıýi megapolıstiń tran­zıt­tik kúsh-qýatynyń artýyna úlken úles qosatynyn jetkizdi.

«Memleket basshysy Qasym-Jomart Toqaev Joldaýda kólik ınfraqurylymyn damytýdyń strategııalyq máni aıryqsha ekenin atap ótken bolatyn. Son­dyqtan jańa termınal qala ekonomıkasyna úles qosyp, tran­zıttik áleýetimizdi kúsheıte­tinine senim mol. Búgingi zamanda temirjol, avtomobılmen birge áýe tasymaly salasyn da qosa damytýdyń máni zor. Jolaýshy, júk tasymalynyń mańyzdy úlesin osy kúnde áýe reısteri quraıtynyn eskersek, jańa termınaldyń boı kóterýi áýejaı ınfraqurylymyn jańa deńgeıge shyǵarǵan aıryqsha joba dep esepteý kerek. Endi qala áýejaıynyń ótkizý qabi­leti birneshe ese ósip, tu­tas­taı alǵanda megapolıstiń áleý­mettik-ekonomıkalyq órleýine oń septigin tıgizedi», dedi qala ákimi Ǵ.Syzdyqbekov.

Sondaı-aq quttyqtaý sózinde shahar basshysy osy jobany júzege asyrǵan ınvestorlarǵa, aýqymdy qurylysta kúndiz-túni ter tókken ınjenerlerden bastap qarapaıym qurylysshy azamattarǵa alǵysyn jetkizdi.

Aýdany 40 myń sharshy metr bolatyn zamanaýı keshen saǵa­tyna 2 000 jolaýshyǵa qyzmet kórsetýge qaýqarly. Resmı máli­metke súıenek, jańa termınal qurylysyna 24 mlrd teńge qarjy jumsaldy. Nátıjesinde, barlyq halyqaralyq standart­qa saı keletin, zamanaýı, jaı­ly ári tehnologııalyq múmkin­dik­teri qarastyrylǵan ınfraqu­rylym­dyq jańa nysan boı kóterdi.

Mamandardyń aıtýynsha, ter­mınal jolaýshylar aǵy­ny men ushý geografııasyn artty­rýǵa, sondaı-aq qosymsha 700 jańa jumys ornyn ashýǵa múmkindik beredi. Al qala tur­ǵyn­dary men qonaqtary zamanaýı talapqa saı qolaıly ári jyldam servıstik qyzmetke qol jetkizbek. Sol sebepti termınal qurylysyn Shymkenttiń ınfraqurylymdyq jobalardy júzege asyrýdaǵy basty jetistigi dep baǵalasaq bolady.

Alǵashqy kezeńde termınalda «SCAT» áýe kompanııasynyń kúndizgi ishki reısteri uıymdas­tyrylsa, jaqyn arada oǵan «Air Astana» men «Fly Arystan» áýe kompanııalarynyń reısteri de qosylady. Sondaı-aq halyq­aralyq áýe tasymaldaýshylar­men tarıftik saıasat pen ynty­maqtastyq máselelerine qatysty kelissózder júrgizilip jatyr. Halyqaralyq sektor men tran­zıttik aımaqty ashý – jumys­tary kelesi jyldyń enshisinde turǵan mańyzdy jospar.

Jańa termınaldyń iske qosy­lýy birinshi kezekte kór­shi­les eldermen baılanys­ty jaqsarta túseri anyq. Ekinshi­den, Fransııa, Germanııa, Qytaı, Úndistan, Pákistan, Mysyr, Vet­nam, Ońtústik Koreıa sııaqty memlekettermen de áýe qatynasyn keńeıtýge úlken múmkindikter syılaıdy.

ShYMKENT