Bul kitaptyń alǵashqy nusqasy 1912 jyly 40 bet kóleminde jaryq kórip, oqýlyqtyń betashary retinde avtor óziniń «Tartý» atty taqpaǵyn usynǵan eken. Bul oqýlyq ekinshi ret 1913 jyly jaryq kórse, keıingi jyldary jetildirilgen nusqalary 1914, 1916, 1921, 1922 (eki ret), 1923 jáne 1925 jyly basylyp shyqqan.
Ár basylym saıyn kitaptyń birin-shi betiniń ústińgi oń jaǵyna «Bıısmı-ıllahı-rahmanı-rahım» («Allanyń atymen bastaımyn») degen Quran aıaty jazylyp, qazaq əripteri tóte jazý nusqasymen tańbalanyp, ərbir áriptiń tusyna tańbasy jəne sol tańbanyń ataýy jazylǵan. Jəne tómengi jaǵyna oqytýshyǵa túsinik, ıaǵnı nusqaýlyǵy qatar berilip otyrǵan.
Al oqýlyqtaǵy mátinder qysqa əri nusqa hám oqýshynyń uǵymyna saı, túsinigine laıyq túrde berilgen. Mysaly, onda: týys-týǵan ataýlary, turmysqa qajetti kıim-keshek, úı jabdyqtary, ydys-aıaq, mal jáne haıýan ataýlary, as-taǵamdar men dene músheleriniń ataýlary, t.b. qamtylypty.
Al biz sóz etip otyrǵan sońǵy basylym avtordyń uzaq jylǵy izdenis nátıjesinde tolyq jetilip, kemeldengen túri eken. Bul taqyrypty qaýzaǵan jas zertteýshi Ádilet Ahmetuly: «1924 jyly Aqań óziniń álipbıine úlken ózgeris engizip, tóte jazýdaǵy áripterdi (qazaqtyń tól dybystaryna saı) jáne emle erejesin turaqtandyrdy. Iаǵnı ol ch, f, h, áripterin álipbıden shyǵaryp tastady jáne «ı» men «ý»-ǵa qatysty daýǵa núkte qoıdy. Bul jańalyqtaryn 1925 jyly jarııalanǵan oqýlyqqa engizdi», dep jazady.
Jalpy, Ahmet Baıtursynuly tulǵasy – HH ǵasyr basyndaǵy ulttyq aǵartýshylyqtyń eren úlgisi. Sonyń biri – qazaq balasyn kór qarańǵylyqtan qutqarýǵa umtylǵan «Qazaqsha álbbá. Oqý quraly».
Qazaq tarıhyndaǵy Ahmet Baıtursynuly eńbegi – ultpen birge jasaıtyn ómirsheń eńbek. Sondyqtan da qıyn-qystaý zamanda týyp, halqyn aǵartyp, jańa bıikke bastaǵan ult ustazy murasy qashanda taǵylymdy.
