Qoldaý ortalyqtarynyń qarymy zor

Is-shara barysynda Mádenıet jáne aqparat mınıstrliginiń otbasyn qoldaý ortalyqtary jumysyn jetildirýge baǵyt­talǵan jobalyq keńseniń je­tek­shisi Farıda Saǵyndyq bas­qosýdyń mán-mańyzyna toq­talyp, maqsatyn málim etti.

«Qazir elimizde 65 otbasyn qoldaý ortalyǵy jumys isteı­di. Olardyń negizgi mindetteri – memlekettik otbasy saıasatyn júrgizý, ómirde qıyn jaǵdaıǵa tap bolǵan adamdardy qoldaý, turmystyq zorlyq-zombylyqtyń aldyn alý, kómek kórsetý, mobıldi toptardyń jumysyn uıymdastyrý. Búgingi is-shara da otbasyn qoldaý ortalyqtarynyń jumysyn jetildirýge arnalyp otyr. Daǵdarys ortalyqtarynyń jumysyn jetildirý, vedoms­tvoaralyq ózara is-qımyldy jolǵa qoıý, jumystyń biryńǵaı ádisnamasyn qurý, ony júzege asyrý barysynda olqylyq­tar bolsa, orny osyndaı semınarlarda tolyǵady. Sondaı-aq halyqqa keńinen aqparat be­riledi», dedi Farıda Saǵyndyq.

Pikirsaıysqa qatysqan spıkerler túrli taqyrypta baıandama jasady, ortalyqtardyń jumysyn júrgizýde memleket tarapynan arnaıy qarjylaı qoldaý artyp kele jatqanyna toqtalyp, qıyn ómirlik jaǵ­daıda qalǵan adamdardy qoldaý, olarǵa kómek kórsetý qashanda ózekti ekenin jetkizdi.

2024 jyldyń sáýir aıynda «Áıelderdiń quqyqtaryn qorǵaý jáne balalardyń qaýipsizdigin qamtamasyz etý týraly» zańnyń qabyldanýy otbasy ınstıtýtyn nyǵaıtý men turmystyq zorlyq-zombylyqtyń aldyn alýda mańyzdy qadam boldy. Zańnyń jańa redaksııasy OQO qyzmetine de ózgerister engizdi – Otbasyn qoldaý orta­lyqtarynyń biryńǵaı jelisi qu­rylyp, otbasy máselelerin she­shýde keıs-menedjment engi­zildi. Mamandardyń aıtýyn­sha, ortalyqtar kómekke júgin­genderdiń jaǵdaıyn keshendi túrde baǵalap, ár otbasynyń jaǵdaıyna baılanysty jeke jos­par ázirlep, ony júıeli júzege asyryp kele jatyr.

Qazir qıyn jaǵdaıda qal­ǵan otbasylardy erte anyqtaý maqsatynda Mádenıet jáne aq­parat, Eńbek jáne halyqty áleý­mettik qorǵaý, Ishki ister, Densaýlyq saqtaý mınıstr­likteriniń mamandarynan mo­bıldik jumys toptary qu­rylǵan. Sonymen qatar mem­lekettik organdardyń vedoms­tvoaralyq ózara is-qımyly­nyń jedeldigi men yńǵaılylyǵy úshin áleýmettik qyzmetterdi usynýdyń ıntegrasııalan­ǵan modeli retinde mobıldi qo­symsha ázirlenip, synaqtan ótip jatyr. Astana qalasy ákimdiginiń «Januıa» otbasy ınstıtýtyn qoldaý ortalyǵynyń dırektory Baqtııar Aıtbaevtyń aıtýynsha, onda elordadaǵy otbasylarǵa quqyqtyq, psıhologııalyq, áleý­mettik kómek kórsetiledi.

«Áleýmettik saıasat – qo­ǵamnyń ómir súrý jaǵdaıyn retteýdiń bir baǵyty, osy oraıda, qala ákimdigi tarapynan áleý­mettik toptar arasyndaǵy qa­rym-qatynastardy qoldap, jalpy qoǵam músheleriniń ál-qýaty men ómir súrý deńgeıin jaqsartý negizinde 2019 jylǵy 26 tamyzda qala ákimdiginiń janynan «Januıa» otbasyn qol­daý ortalyǵy qanatqaqty joba túrinde ashyldy. Jobanyń maq­saty – qıyn jaǵdaıǵa tap bolǵan árbir otbasyǵa psıhologııa­lyq, áleýmettik, quqyqtyq kó­mek, sonymen qatar otbasy ıns­tıtýtynyń damýyna jan-jaq­ty qoldaý kórsetý. Ortalyq qanatqaqty joba rejiminde óz jumysynyń joǵary sura­nys­qa ıe ekenin dáleldep, 2020 jyl­ǵy mamyr aıynan bastap memlekettik mekeme bolyp resmı túrde jumys isteı bastady. Ortalyq «bir tereze» qaǵıdatyna negizdelip, qala turǵyndary­nyń (kópbalaly, tolyq emes, az qamtylǵan, múgedek balalardy tárbıelep otyrǵan, otbasylar­ǵa, t.s.s.), azamattardyń jekelengen sanattaryna keshendi konsýltasııalyq qyzmetter kór­setedi», deıdi ol.

Jańa zań qoldanysqa engen sátten bastap qoldaý orta­lyqtardyń sany ósken. 2025–­2027 jyldary olardyń sanyn ­208-ge jetkizý josparlanyp otyr­ǵa­nyn aıtady mamandar. О́tken jy­ly ortalyq mamandary 400 myń­nan astam keńes bergen. Orta­lyq qyzmetker­leri­niń biliktili­gin arttyrý, son­daı-aq mobıl­dik toptar­dyń tıimdi jumy­syn qamtamasyz etý maqsatyn­da barlyq óńirde kóshpeli oqytý semınar-tre­nıng­teri ótkizi­lip turady.