Jospar bekitilip, jumys bastaldy

2025–2026 jyldary oqý-zert­hanalyq korpýsyn ashý, jańa ıdeıa­lar hakatonyn, halyqaralyq «DostiSkills-2025» salalyq chempıo­natyn, halyqaralyq salalyq ak­kre­­dıt­teýdi ótkizý josparlanyp otyr. Sondaı-aq IT hub jáne ju­mys berýshilerdiń qoldaýymen quzyret­ter ortalyǵyn ashý, bıznestiń naqty suranystary boıynsha nysanaly bilim berý tapsyrysyn ulǵaıtý jáne óńir kolledjderinde jańa mamandyqtar ashý qarastyrylǵan. N.Bekbosynov atyndaǵy Mańǵystaý energetıkalyq kolledji «Sýmen jabdyqtaý jáne sý burý júıeleriniń tazartý qurylystaryn paıdalaný», O.Turmaǵambetuly atyndaǵy Mańǵystaý ındýstrııalyq-tehnıka­lyq kolledji «Gıdrogeologııa jáne ınjenerlik geologııa» mamandyǵy boıynsha kadr daıarlaıdy.

Qazirgi ýaqytta kolledjderdiń bilim berý baǵdarlamalary Jańa mamandyqtar atlasynyń ózekti talaptaryna saı bolý úshin jańar­tylyp jatyr.

«О́ńirde 2022 jyly eńbek nary­ǵyna saı jańa mamandyqtar ashý, jumyspen qamtýdyń turaqtylyǵyn qamtamasyz etý maqsatynda «Jańa mamandyqtar atlasy» iske asyrylyp, suranysqa ıe bilim berý, týrızm, munaı-gaz salasyndaǵy mamandyqtar aıqyndaldy. Nysanaly qarjylan­dyrý sheńberinde Esenov atynda­ǵ­y ýnıversıtet joǵary oqý granty ne­gizinde byltyr jáne bıyl Mań­ǵystaý oblysynyń jańa kásipter men quzyrettilikter atlasy jumysyn jalǵastyrýda. Osy jyly qurylys, energetıka, logıstıka salalaryna basymdyq berilip otyr. Qazir qujatqa sáıkes tehnıkalyq jáne kásiptik bilim uıymdarynyń oqý baǵdarlamalary boıynsha mıkro­bi­liktilikterdi jańar­tý jumystary júrgizilýde. Kolledj­derde salaǵa beıindeý jumystary kezeń-kezeńimen atqarylady. Bilik­ti mamandardy daıar­laý 89 maman­dyqtyń 129 bilikti­ligi boıynsha oqyty­lyp jatyr. 2024–2025 oqý jylyna 65 mamandyqtyń 92 biliktiligi boıynsha 5 615 orynǵa memlekettik bilim berý granty bólindi. Onyń ishinde 70 jumys berýshi men kolledj arasynda kelisimshart negizinde naqty suranysyna sáıkes memlekettik bilim berý grantyna 580 stýdent qabyldandy. Olar – biz­diń óńirdegi «Kazkor-Transservıs», «Ozens­pesstroı», «QazAzot» sekildi iri-iri mekemeler», dedi Mańǵystaý ob­ly­synyń ákimi N.Qılybaı.

Kolledjderdiń materıaldyq-tehnıkalyq bazasyn jaqsartý úshin 2025 jylǵa qaraı Mańǵystaý ın­dýstrıaldy-tehnıkalyq kolled­j­in­de emhananyń burynǵy ǵımaratyn oqý-zerthanalyq korpýsqa qaıta jos­parlaý júrgizilip jatyr. Beıneý aýdanyndaǵy eki kolledj úshin jańa ǵımaratty jobalaý qolǵa alyndy.