Oblys qaıta qurylǵanǵa deıin qaladaǵy birqatar jylý qazandyǵynyń 80 paıyzynyń tozyǵy jetken edi. Búgingi kúni jaǵdaı túzelip keledi. Depýtattyń aıtýynsha, 2024 jyly respýblıkalyq bıýdjetten qarajattyń bólinýine oraı olardyń eskirýi 60 paıyzǵa tómendegen. Jylý qazandyqtaryna qarajattyń bólinýine Májilis depýtattary yqpal etkenine nazar aýdardy.
«Biz bul jylý energetıka ortalyǵynyń qyzmetkerlerimen únemi kezdesip júrmiz. Osy saladaǵy problemalardy jaqsy bilemiz. Sondyqtan onyń sheshilýine, bıýdjetten qarajat bólinýine yqpal etip, zańnamalyq turǵyda qoldaý kórsetýge atsalysyp kelemiz. Eń bastysy, bul jumysty ári qaraı jalǵastyramyz», dedi N. Sabılıanov.
Jalpy Semeı qalasynda jalpy 21 qazandyq bar. Sonyń biri osy «Ortalyq» JEQ 1988 jyly paıdalanýǵa berilip, iske qosylǵan. Qazandyq turǵyn úılerdiń, áleýmettik nysandardyń jáne qaladaǵy 155 kópqabatty úıdi jylýmen qamtamasyz etip otyr.
О́ńirge sapary barysynda depýtat N.Sabılıanov Semeı qalasy, Jańasemeı, Besqaraǵaı, Jarma, Aıagóz aýdandary men birneshe eldimekenderde halyqpen kezdesip, áleýmettik nysandardyń jumysymen tanysty.
Turǵyndar kótergen saýaldar men máselelerdi Parlament qabyrǵasynda qaraıtynyn, jumys júrgizetinin aıtty.
