Foto: Májilistiń baspasóz qyzmeti
Májilistegi «Amanat» partııasy fraksııasynyń depýtattary Rýslan Qojasbaev pen Bolat Kerimbek Jetisý oblysyna jumys sapary barysynda Kóksý aýdanyndaǵy «Stroıtel» kirpish-keramzıt zaýytynyń jumysymen tynysyp, eńbek ujymymen kezdesti. Seriktestiktiń bas dırektory Aleksandr Býzykın zaýyttyń avtonomdy rejimde jumys istep, jylyna 44 mln dana kirpish shyǵaratynyn aıtty.
– Sizder memleketimizdiń damýy jolynda úlken jumys atqaryp kelesizder. Osy jerde aıtylǵan máselelerdiń barlyǵyn tıisti mekemelerge jetkizemiz, – dedi R.Qojasbaev.
Sondaı-aq Májilis depýtaty Bolat Kerimbek kásiporyn óz ónimderimen Jetisý óńirin ǵana emes, Qazaqstan naryǵyn da qamtamasyz etip otyrǵanyn atap ótti.
«Amanat» partııasy fraksııasynyń depýtattary Qaırat Balabıev, Ulasbek Sádibekov, Temir Qyryqbaev pen Nursultan Baıtilesov Túrkistan oblysynda bolyp, Saryaǵash aýdanyndaǵy kásipkerlik nysandardy aralady. Sondaı-aq aýdan jurtshylyǵymen kezdesti. Májilis depýtattary eń áýeli óńirdegi «Agrotur» sharýa qojalyǵy jylyjaıynyń tynys-tirshiligimen tanysty. Munda 4 gektar jerde kóptegen baqsha ónimi ósiriledi. Kásipkerler depýtattarǵa tuqymbaq sharýashylyqtaryn sýbsıdııalaý, jylyjaılardy kómirmen qamtamasyz etýde týyndaıtyn problemalarǵa qatysty oılaryn ortaǵa salyp, usynystaryn jetkizdi.
Májilis depýtaty Snejanna Imasheva Batys Qazaqstan oblysyna jumys saparymen bardy. Oral qalasy Derqul aýylyndaǵy «Jaıly mektep» respýblıkalyq jobasy aıasynda salynǵan №51 jalpy bilim beretin mekteptiń jumysymen tanysty. №51 orta mektep dırektory Jaqsyǵalı Jumabaıdyń aıtýynsha, oqýshylar kóp bolǵandyqtan sabaq úsh aýysymda júrgiziletin №49 orta mekteptiń oqýshylary osynda aýystyrylǵan. Búginde 1 200-den asa bala jańa, jaıly mektepte bilim alyp jatyr.
– Memleket basshysy jýyrda «Ana tili» gazetine bergen suhbatynda aıtqandaı, aldaǵy ýaqytta respýblıka boıynsha 460 myń oqýshyǵa arnalǵan 217 jaıly mektep salý josparlanyp otyr. Depýtattar bul qurylystyń sapaly ári ýaqtyly júrgizilýin erekshe nazarda ustaıdy, – dedi S.Imasheva.
Májilismender Ádil Jubanov pen Dúısenbaı Turǵanov Atyraý oblysy Jylyoı aýdanyna sapary barysynda Jem ózeni men Qursaı ózekteriniń túbin tereńdetý jobasynyń oryndalý barysymen tanysty.
Sapar aıasynda depýtattar jergilikti turǵyndarmen kezdesip, olardyń turmys-tirshiligin, óńirdegi ekologııalyq jaǵdaıdy jáne atqarylyp jatqan jumystardy talqylady. Azamattardyń usynys-tilekterin tyńdap, Parlamentte qabyldanyp jatqan zańdar týraly pikir almasty.
Májilis depýtaty, «Respublica» partııasy fraksııasynyń múshesi Oljas Quspekov Almaty oblysyna sapary aıasynda Qarasaı aýdany boıynsha shekara basqarmasyna bardy. Depýtat arnaıy maqsattaǵy mobıldi is-qımyl bóliminiń jumysymen tanysyp, oqý ortalyǵy men oqý-óndiristik zerthanany aralady. Ujymmen áskerı qyzmetshilerdi daıarlaý, «Qarasaı» О́B ınjenerlik-jelilik ınfraqurylymynyń qyzmetin talqylady.
– Memleket jasandy ıntellektini, tehnıkanyń sońǵy jetistikteri – sapaly jabdyqtardy, arnaıy datchıkterdi paıdalana otyryp, shekarada qaýipsizdikti qamtamasyz etýge tıis. Árıne, turmystyq máselelerdi de sheshý qajet. Shekarada sapaly jáne qaýipsiz qyzmet atqarý úshin barlyq jaǵdaı bolýy kerek, – dedi O.Quspekov.
Al Májilistegi «Aq jol» fraksııasynyń depýtaty Qazybek Isa Túrkistan oblysynyń zııaly qaýym ókilderimen kezdesti. Depýtat rýhanııatty qoldaýǵa baǵyttalǵan birqatar bastamaǵa toqtaldy. Sonyń ishinde jýyrda ǵana Májiliste qabyldanǵan Túrkistan qalasyna erekshe mártebe berý týraly zań qalaǵa erekshe mártebe berip qana qoımaı, qalanyń qaryshtap damýyna, óńirge qomaqty ınvestısııa tartýǵa, mádenı-rýhanı qundylyqtardy saqtap qalýǵa zor septigin tıgizetinin atap ótti.
О́z kezeginde «Turkistan Media Holding» basqarýshy dırektory Telman Beısen tarıhı oryndar sanalatyn «Qyzqorǵan», «Balaqorǵan» qamaldaryn memlekettik qorǵaýǵa alýdy usyndy. Osy kıeli jerlerge baratyn joldy jóndep, týrısterge qolaıly jaǵdaı jasaýǵa shaqyrdy.
