Mamandar biliktiligin arttyrý mańyzdy

«Ekspert» klýbynyń «Samuryq-Qazyna» AQ transformasııasy: problemalar jáne olardy iske asyrý joldary» taqyrybynda otyrys ótti. Atalǵan klýbtyń kezdesýine «Eır Astana» kompanııasynyń vıse-prezıdenti Erbol Ospanov, «Qazposhta» AQ basqarma tóraǵasy Baǵdat Mýsın, «Qazaqtelekom» AQ basqarma tóraǵasy Qýanyshbek Esekeev pen jıynǵa moderator bolǵan klýb jetekshisi Nurlan Erimbetov qatysty. Elbasy bekitken, qazirgi kez­de «Samuryq-Qazyna» AQ qol­daýymen onyń barlyq enshiles kompanııalarynda transformasııalaý baǵdarlamasy júzege asyrylýda. Atalǵan baǵdarlama byltyrdan beri qolǵa alynyp, osynyń aıasynda enshiles kompanııalar óz qyzmetterin bastap ta ketken bolatyn. Barshaǵa belgili bolǵandaı, atalmysh baǵdarlama úsh negizgi maqsatty kózdeıdi, olar qoldanystaǵy aktıvterdiń qunyn arttyrý, portfeldi ońtaılandyrý jáne korporatıvtik basqarýdy jetildirý bolyp tabylady. Osyǵan baılanysty óz tarapynan qolǵa alynyp jatqan is-sharalar jóninde BAQ ókilderine birqatar málimetter usynǵan kompanııa basshylary, transformasııa baǵdarlamasynyń bolashaq ıgiligi úshin jasalynyp otyrǵan bastama ekendigine nazar aýdardy. Bıznesti transformasııalaý degen ne, ol baǵdarlama ne úshin qajet, qordyń enshiles kompanııalarynda transformasııalaý baǵdarlamasyn engizý úshin qandaı alǵysharttar boldy, degen suraqtarǵa jaýap berildi. Kóp jaǵdaıda halyqtyń túsinbeýshiligin týdyryp, tipti, «órleý» satysyn «qysqartýmen» uqsastyratyn dúıim jurttyń oıyna tyń serpilis beretin ýaqyt kelip jetken sekildi, sonymen qatar, bolashaqqa qadam basqan memlekettiń turǵyndary qyzmet babynda tek qana damý, órleý, alǵa umtylý men óz deńgeıin jetildirý úshin aıanbaı ter tógý qajettigi talqylandy. Bul turǵyda jýrnalıst su­raq­taryna naqty jaýap bergen B.Mýsın belgili rette ju­myskerlerdiń qyzmet boıynsha ósýdi kózdeýi men qajetti mamandyqtardyń suranysyn arttyrý kerektigin aıtty. Qyzmetkerlerdi qysqartý emes, olardyń jasap otyrǵan ju­mys deńgeıin anyqtap, onyń qajettiligine baılanysty máse­leni aıqyndap alý shart. Bir mekemede úsh býhgalterdiń jumys isteýi eńbek ónimdiligin arttyrmaýy múmkin, kerisinshe, olar jasap otyrǵan jumys retin anyqtap, týra sol jumysty bel­gili tehnıkanyń kómegimen jasatyp, al bos qalǵan býhgalterge operator bolýdy usynǵandyǵyn aıtty. Jáne ol Elbasy udaıy aıtyp keletin qyzmetkerlerdiń biliktiligi men olardyń taraptan kórsetilip jatqan qyzmet elge óz úlesin tıgizýi qajet ekendigine toqtaldy. Shyn máninde óte joǵary nátı­jege jetý úshin halyq tarapynan osy máselege baılanysty kózqarasty ózgertý abzal. Jumys kezinde maman biliktiligin arttyrý – jurt ıgiligi úshin jasalatyn ońtaıly ádis. Olar sonyń arqasynda suranysqa ıe, ózine senimdi ári qajetti maman bolyp shyǵa alady. Al bir orynda ómir boıy jumys istep, sol kezeńde qalyp qoıatyn mamandary bar elde órleý satysy baıaýlap qalatyny taǵy bar. Shetelde azamattar jumys ornyn aýystyrýǵa qumar, sebebi, olar bir orynda toqyrap qalýdan saqtanady. Olar osy psıhologııany jaqsy meńgergen. Sebebi, jaqsylyqqa umtylý – árqashanda oń nátıje bergen, bere beredi de, degen Nurlan Erimbetov mamandardyń biliktiligin arttyrý bárinen mańyzdy ekendigin jetkizdi. Elmıra MÁTIBAEVA, «Egemen Qazaqstan».