Áleýmettik jelide jarııalanǵan aqparat boıynsha, pedagogıkalyq keńes barysynda ustazǵa balaǵat sóz aıtylyp, alaıaqtyq jasady degen aıyp taǵylǵan.
Oqý-aǵartý mınıstrligine qarasty Bilim sapasyn qamtamasyz etý komıtetiniń baspasóz qyzmeti oqıǵaǵa qatysty túsinikteme berdi. Vedomstvo málimetinshe, jaǵdaı komıtettiń baqylaýyna alynǵan.
«Jaǵdaıdy anyqtaý úshin qalalyq basqarmanyń, Atyraý oblysy ákimdiginiń bilim basqarmasynyń jáne Oqý-aǵartý mınıstrliginiń bilim sapasyn qamtamasyz etý aýmaqtyq departamentiniń ókilderinen turatyn arnaıy komıssııa quryldy», delingen habarlamada.
Búginde mán-jaıdy jan-jaqty zertteý úshin tergeý amaldary bastalyp ketken.
«Mınıstrliktiń aýmaqtyq departamenti pedagogıkalyq ádep máseleleri boıynsha jospardan tys óńirlik keńes ótkizedi, onyń qorytyndysy boıynsha tıisti sharalar qabyldanady», dep atap ótti vedomstvo ókilderi.
Komıtettiń baspasóz qyzmeti ustazdyń jaǵdaıy turaqty ekenin habarlady.
«Ustazdyń jaǵdaıy jaqsy, qajetti psıhologııalyq kómek kórsetiledi», delingen habarlamada.
