Alıdannyń aty ozdy

№84 mektep-lıseıiniń 9 synyp oqýshysy bul bilim báıgesine hımııa páninen qatysypty. Onyń jetekshi­si Elmıra Qaje­kenova­nyń aıtýynsha, olımpıa­daǵa júıeli daıyndyq 7 synyptan bastalǵan.

«Alıdan sol kezdiń ózinde-aq mektep baǵdarlamasyndaǵy kitaptardy tolyq oqyp taýys­ty. О́tken oqý jyldaryn­daǵy olımpıada tapsyrmalaryn tal­dap daıyndal­dy. Nátı­jesin­de, 7-8 synyp­­tarda hımııa páni­nen aýdan­dyq, oblystyq, keıin respýb­lı­kalyq pándik olım­pıada­larǵa qatysyp júldeli oryn­dar­ǵa ıe boldy. Al 9 sy­nyp­­qa kóshkende joǵary oqý oryn­da­rynyń oqýlyqtaryna aýyz saldy. «Daryn.online», «Ustudy.kz», «Quizlet» syndy plat­formalarmen de birshama daıyndaldyq. Etken eńbek esh ketken joq. Minekeı, shákirtimiz talanttar taıtalasynda top ja­ryp keldi. Biz munymen toqta­maımyz. Alıdannyń alar asýy áli alda. Res­pýblıkalyq pándik olımpıadadan oza shaýyp, «ICho» halyqaralyq hımııa olım­pıa­dasynda altynnan alqa taǵý – endigi maqsatymyz», deıdi E.Qajekenova.

Jyl saıyn dástúrli túr­de ótetin halyqaralyq «COPER­NICUS» olımpıa­dasy bıyl altynshy márte uıymdas­tyry­lyp otyr. Bul jarysta jer-jerden kelgen joǵary synyp oqýshylary jaratylystaný baǵytyndaǵy pánder boıynsha baq synaıdy. Iаǵnı osynaý kádeli konkýrs jas órenderdi ǵylym jolyna jeteleıdi.

Anasynyń aıtýynsha, Alıdan kishkentaı kezinen-aq ártúrli nárselerdiń qa­laı, neden jasalatynyn zert­teýdi unatatyn bolǵan.

«Balamnyń jeńisiniń artynda úlken eńbek jatyr. Árıne bári pánge degen qy­zyǵýshylyqtan bastalady. Ustazdarynyń da eńbegi zor. Biz ata-ana retinde qoldaý kórsetip otyrdyq. Sonymen qatar tildi jaqsy meńgerýine jaǵdaı jasadyq. Alıdan aǵyl­shyn tilinen bólek, arab, túrik tilderin de táýir biledi. Bala­myz bolashaqta ǵylymmen aına­lysqysy keledi», deıdi anasy aǵynan jarylyp.