Elde onkologııalyq aýrýlardy dıagnostıkalaýǵa arnalǵan biregeı preparattar shyǵaryla bastady. Onkologııalyq aýrýlardyń aldyn alýǵa kómektesetin dári-dármekter ekinshi jaǵynan ımportqa táýeldilikti azaıtady. Osy rette PIB Medısınalyq ortalyǵy aýrýhanasynyń Iаdrolyq medısına ortalyǵynda byltyr PET jáne KT dıagnostıkasyna arnalǵan úsh jańa radıofarmpreparat shyǵarylǵanyn aıta ketkenimiz jón. Onyń ishinde 18F-FLT sút bezi, ókpe qaterli isigi, melanoma, lımfoprolıferatıvtik aýrýlardy erte dıagnostıkalaýǵa arnalsa, 18F-FET mıdaǵy isikti anyqtaıdy. Al 68Ga-FAPI radıofarmpreparaty asqazan-ishek joldaryndaǵy, ókpe, baýyrda paıda bolǵan qaterli óskindi erte kezeńde anyqtaýǵa arnalǵan.
Byltyr ıadrolyq medısına ortalyǵynda súıek metastazyn emdeýge arnalǵan «Samarıı 153Sm-Oksabıfor» radıoızotopy engizildi. Ortalyq mundaı preparattardy PET, BFEKT, KT sekildi joǵary dáldiktegi dıagnostıkalyq prosedýralardy júrgizý úshin qoldanady. Jyl ishinde elimizdiń ár aımaǵynan kelgen 11 myń pasıent Iаdrolyq medısına ortalyǵynda dıagnostıkadan ótti.
Byltyr PIB medısınalyq ortalyǵynyń Sanıtarııalyq-epıdemıologııalyq saraptama ortalyǵy janynan «KazToxBase» dep atalatyn alǵashqy halyqaralyq trenıng ortalyǵy, sondaı-aq toksıkologııalyq aqparat ortalyǵy ashyldy. Olardyń jumysy qanatqaqty joba sheńberinde úılestiriledi. Bul eldegi medısına qyzmetkerleriniń hımııalyq ýlaný máseleleri jónindegi quzyretin arttyrýǵa, olardy álemdik tájirıbe men halyqaralyq standarttar boıynsha oqytýǵa múmkindik beredi. Kelesi qadam – elde hımııalyq zattar týraly aqparatty jınaý men taldaýdyń negizgi quraly bolatyn KAZTOX biryńǵaı ulttyq derekter bazasyn qurý, ıntegrasııalaý. Bul shara óz kezeginde tótenshe jaǵdaılarǵa jedel den qoıyp, medısınalyq mekemeler men memlekettik qurylymdar arasyndaǵy úılesimdi jaqsartýǵa múmkindik beredi.
Elimizde alǵash ret Daýn sındromyn ana qany arqyly júktiliktiń 10-aptasynan bastap 99% dáldikpen anyqtaýǵa bolatyn test engizildi. Mundaı testi endi Prezıdent Is basqarmasy medısınalyq ortalyǵynyń aýrýhanasynda tapsyrýǵa bolady. Medortalyq aýrýhana – uryqtyń hromosom aýytqýyn erte kezeńde anyqtaıtyn ınnovasııalyq testini engizgen eldegi alǵashqy aýrýhana. Zertteý júrgizýge tek ananyń qan úlgisi qajet. Sol sebepti prosedýra qaýipsiz, ınvazııalyq aralasýdy qajet etpeıdi. Bul ana qanyndaǵy uryqtyń jasýshadan tys DNQ-syn taldaý tehnologııasyna negizdelgen. Ádis Daýn sındromyn (trısomııa 21) ǵana emes, 18 (Edvards sındromy), 13 (Pataý sındromy) trısomııa sııaqty basqa da hromosom aýytqýlardy, sondaı-aq jynystyq hromosommen baılanysty buzylystardy anyqtaýǵa múmkindik beredi. Sarapshylardyń pikirinshe, mundaı testi engizý prenataldyq dıagnostıkany damytýda óte mańyzdy. Tásil genetıkalyq aýrýlardy anyqtaý múmkindigin jaqsartyp qana qoımaı, hromosomdyq aýytqýlarmen baılanysty aýyr jaǵdaılardyń sanyn azaıtady, densaýlyq saqtaý júıesine túsetin júktemeni tómendetip, medısınalyq kómek sapasyn arttyrady.
Sonymen qatar Prezıdenttiń Is basqarmasy medısınalyq ortalyǵynyń aýrýhanasy men Ulttyq gospıtali JCI (Joint Commission International) akkredıtteýinen tórt ret ótken eldegi jalǵyz kópsalaly medısınalyq mekeme atanyp otyr. Bul da bolsa ortalyqtaǵy medısınalyq qyzmetterdiń joǵary deńgeıde, halyqaralyq sapa standarttaryna saı ekenin dáleldep tur. Ulttyq neırohırýrgııa ortalyǵy sııaqty basqa densaýlyq saqtaý mekemeleri de tórt ret akkredıttelgenimen, olar medısınanyń bir baǵytyna ǵana mamandanǵanyn eskerý qajet. Negizi qazir eldegi toǵyz medısınalyq uıym densaýlyq saqtaý salasynda sapa men qaýipsizdiktiń álemdik standarty sanalatyn Joint Commission International (JCI) akkredıtasııasyna ıe. Mundaı mekemelerdiń kóbeıgeni áýeli pasıentterdiń senimin arttyrsa, ekinshiden, medısınalyq týrızmdi damytýǵa yqpal etedi.
Taǵy bir atap óterlik jaǵymdy jańalyq, PIB medısınalyq ortalyǵynyń Sanıtarııalyq-epıdemıologııalyq saraptama ortalyǵy bıologııalyq qaýipsizdik salasyndaǵy referens-zerthana mártebesin aldy. Ondaǵy zerthanalardyń synaq nátıjelerin ILAC (Zerthanalardy akkredıtteý jónindegi halyqaralyq qaýymdastyq) júıesine kiretin 112 el moıyndaıdy. Demek endi kásipkerler eksportqa shyǵaratyn ónimderiniń qaýipsizdigin halyqaralyq dárejede rastaý úshin shetel aspaıdy.
Eldegi eń iri medısınalyq mekemelerdiń biri sanalatyn PIB medısınalyq ortalyǵynda jyl ishinde iske asqan jumystardyń aýqymy keń. Olardyń birqataryn joǵaryda atap óttik. Ortalyqtaǵy tájirıbeli ári joǵary tehnologııalyq quraldardy meńgergen dárigerlerdiń tabysyn, jetistigin jeke-jeke aıtyp taýysa almaspyz. Múmkindigi mol medısınalyq ortalyqtyń ujymynan bıyl da densaýlyq saqtaý salasynda aýyz toltyryp aıtarlyqtaı jańalyqtar kútemiz.
