Foto: TJM
TJM málimetinshe, Báıterek aýdanynda 21 tonna hımııalyq zat tasymaldap kele jatqan Belarýs Respýblıkasynyń júk kóligi joldan shyǵyp, bir jaǵyna qısaıyp, qulap ketken. Saldarynan suıyqtyǵy bar qutylar aýdarylǵan, abyroı bolǵanda, suıyqtyq syrtqa tógilmegen.
«TJM qyzmetkerleri hımııalyq zattyń aǵyp ketý qaýpi men halyq pen qorshaǵan ortaǵa tónetin qaýipti tekserdi. Radıasııalyq-hımııalyq qyzmet onyń aýadaǵy shoǵyrlanýyn ólshedi. Qater tabylmady», delingen mınıstrlik habarlamasynda. Sondaı-aq júk kóliginiń júrgizýshisine júkti qaýipsiz tıeýge jáne júkti odan ári tasymaldaýǵa kómek kórsetilgen.
