Astana turǵyny ishki ister organdarynda 2001 jyldyń tamyz aıynan beri qyzmet etken.
Bir jyldan keıin ol Ishki ister mınıstrligi departamenti Astana stansasyndaǵy jelilik polısııa basqarmasynyń bastyǵy bolyp taǵaıyndalǵan.
Bir jyldan keıin ol Departament bastyǵynyń buıryǵymen «Quqyq qorǵaý qyzmeti» baǵdarlamasy boıynsha Akademııanyń magıstratýrasyna oqýǵa qabyldanyp, qyzmetinen bosatylyp, oqý demalysy berilip jiberilgen.
Akademııaǵa issaparǵa jiberilýine baılanysty onyń turǵyn úı tólemderi toqtatylǵan. Ol bul sheshim boıynsha sotqa shaǵymdanyp, IIM Kóliktegi polısııa departamentinen ishki ister organdarynyń qyzmetkeri retinde bul tólemderdi qaıta jańǵyrtýdy mindetteýdi talap etti.
Astana qalasynyń MAÁS-y bul talap qoıýdy qaraýdan bas tartqan.
«Apellıasııa bul sot aktisin buzyp, talap qoıýdy qanaǵattandyrdy. Zańsyz dep tanylyp, departamenttiń turǵyn úı komıssııasynyń talap qoıýshyǵa turǵyn úı tólemderin aýdarýdy toqtatý bóligindegi sheshimi joıyldy», delingen habarlamada.
Ishki ister mınıstrliginiń departamenti kassasııalyq shaǵym túsirdi.
Joǵarǵy Sottyń Ákimshilik ister jónindegi sot alqasy isti qaraı otyryp, ishki ister organdary qyzmetkerleriniń turǵyn úıge quqyqtaryn júzege asyrýy qyzmettik turǵyn úı berý nemese turǵyn úıdi berý arqyly turǵyn úıge muqtaj dep tanylǵan kúnnen bastap olardyń jeke arnaıy shotyna tólemder júzege asyrylatynyn atap ótti.
Orta, aǵa jáne joǵary basshy quramdaǵy qyzmetkerlerdi joǵarylatý memlekettik tapsyrys sheńberinde quqyq qorǵaý bilim berý uıymdaryna aǵymdaǵy shtattyq laýazymnan bosatyla otyryp oqýǵa qabyldaýǵa baılanysty júzege asyrylady.
Osyǵan baılanysty talap qoıýshynyń turǵyn úı tólemderin alý quqyǵy joǵalǵan joq. Onyń banktik qaryz sharty boıynsha ótelmegen mindettemesi bar jáne turǵyn úı men turǵyn úı tólemderine muqtaj.
Zań boıynsha turǵyn úı tólemderin tek jumysqa aýysqan jaǵdaıda ǵana toqtata turý qarastyrylǵan, al qaralyp jatqan is boıynsha jumysyn aýystyrý bolǵan joq.
Áskerı qyzmetshiniń oqý demalysy kezeńinde turǵyn úı tólemderin saqtaý máselesi Zańmen tikeleı rettelmegen, bul rette zańnamadaǵy barlyq kúmándar, qaıshylyqtar men túsiniksizdikter ákimshilik is júrgizýge qatysýshynyń paıdasyna túsindiriledi, sot zańnyń uqsastyǵyn qoldandy.
Ákimshilik ister jónindegi sot alqasy apellıasııa qaýlysyn kúshinde qaldyrdy.
