Yqpaldastyqqa oń baǵa

Astanada elimizdiń Syrtqy ister mınıstri Erlan Ydyrysov Qazaqstanǵa resmı saparmen kelgen Katardyń syrtqy saıasat vedomstvosynyń basshysy doktor Haled ben Muhammed ál-Atyıamen kezdesip, kelissóz júrgizdi. Taraptar saıası únqatysýdy odan ári tereńdetý, saýda-ekonomıkalyq jáne mádenı-gýmanıtarlyq yntymaqtastyqty kúsheıtý máselelerin talqylady. Katar Ámiri sheıh Tamım ben Hamad ál Tanıdyń 2014 jyly Qazaqstanǵa sapary kezinde qol jetkizilgen ýaǵdalastyqtarǵa, sondaı-aq, Qazaqstan-Katar birlesken ınvestısııalyq qoryn qurý men memleketter arasynda tikeleı áýe qatynasyn ornatý máselelerine erekshe kóńil bólindi. Katar mınıstri saparynyń mańyzdy maqsattarynyń biri Qazaqstan Prezıdenti N.Á. Nazarbaevtyń Katarǵa ústimizdegi jyldyń qazan aıynda jaýap saparynyń sapaly daıarlyǵy ekenin atap ótti. «Biz sheıh Tamım ben Hamad ál Tanıdyń sapary barysynda jarııalaǵan Astana qalasynda mektep salý jobasyn qarjylandyrý nıeti úshin alǵysymyzdy bildiremiz. Berilgen joba aıasynda Astana ákimdigi men Katar damý qory arasynda naqtyly jumystar atqaryla bastady», – dep atap ótti E. Ydyrysov. Katar Ámiri saparynyń qorytyndysy boıynsha, sonymen birge, Semeı qalasynda ıadrolyq polıgon synaqtarynan zardap shekkenderge arnalǵan ońaltý ortalyǵynyń qurylysyna Katar tarapynyń qatysýy týraly sheshimge qol jetkizildi jáne qazirgi tańda N.Nazarbaevtyń Mádenı, bilim berý jáne áleýmettik baǵdarlamalar qory men Katar damý qory arasynda tıisti qujattamany daıarlaý úderisi júzege asýda. Kezdesý kezinde, sonymen birge, halyqaralyq ózekti máseleler, atap aıtqanda, Taıaý Shyǵys máselesin retteý, Irak, Lıvııa, Sırııa jáne Iemendegi ahýalǵa, sondaı-aq, Ýkraına daǵdarysyna qatysty ózara senimdi pikir almasý júzege asty. Daǵdarysty sheshý jolynda múddeli taraptardyń ujymdyq kúsh-jigeriniń qajettiligi atap ótildi. «Qazaqstan men Katar tek beıbitshiliksúıgish emes, sonymen qatar, bitimgershi memleketter», – dep atap ótti katarlyq mınıstr kelissózdiń nátıjesi boıynsha ótken baspasóz máslıhaty barysynda. Taraptar BUU, AО́SShK, IYU sekildi halyqaralyq jáne óńirlik uıymdar sheńberinde eki el yqpaldasýyn oń baǵalady. «Egemen-aqparat».