Foto: olympic.kz
4 jasynan beri gımnastıka zalynan tabylǵan Eljana Tanıeva sporttyń bul túri ómiriniń bir bóligine aınalǵanyn aıtty.
«Kilemge shyǵar aldyndaǵy tolqý, projektor jaryǵy astyndaǵy ár qozǵalysym, kórermenderdiń shapalaǵy – munyń bári máńgi este qalady. Bul jol ońaı bolǵan joq. Keıde kúshim taýsylǵandaı, qıyndyqtar eńserilmeıtindeı kórinetin sátter boldy. Biraq dál sol sátterde maǵan sengen adamdar janymnan tabyla bildi», dep jazdy sportshy.
Ol kásibı mansabynda ylǵı janynda bolyp qoldaǵan bapkeri Álııa Iýsýpova men ata-anasyna rızashylyǵyn bildirdi. Dese de sportshy qyz jelidegi jazbasy arqyly alǵa qoıǵan maqsattary bar ekenin ańǵartty.
«Bul taraýdy aıaqtaı otyryp, sportpen birjola qoshtaspaıtynymdy aıtqym keledi. Maǵan osy joldy syılaǵan múmkindikter úshin alǵys aıtamyn. Alda da qyzyqty sapar kútip turǵanyna senimdimin», dep jazdy Eljana Tanıeva.
