Farmasevtıkalyq qyzmetke lısenzııa – osy saladaǵy mamandarǵa mindetti qujat. Lısenzııa dárilik preparattar men medısınalyq buıymdardy daıyndaý, medısınalyq zattardy kóterme jáne bólshek saýdada satý, sondaı-aq olardyń óndirisi sekildi birneshe qyzmet túrlerin qamtıdy. О́tinim berýshi ruqsat qaǵazyn alý úshin «e-License» portalynda ótinimdi rásimdep, qajetti nysandardy toltyryp jáne biliktilik talaptaryna saı ekenin rastaýy kerek.
Qyzmetti paıdalaný úshin azamattar eń áýeli portalǵa tirkelip, «Densaýlyq saqtaý», «Qyzmetti lısenzııalaý», «Farmasevtıkalyq qyzmet» bólimderin tańdaý qajet. Odan soń «Qyzmetke onlaın tapsyrys berý» batyrmasyn basyp, ótinimdi ESQ nemese QR-kod arqyly qol qoıý arqyly jiberý kerek.
Lısenzııany alý quny 10 aılyq eseptik kórsetkishti (AEK) quraıdy.
Aıta keteıik, 2023 jyly elimizde farmasevtıkalyq qyzmetti júzege asyrýǵa 906 ruqsat qujaty berilse, 2024 jyldyń basynan beri 691 qujat rásimdeldi.
Atalǵan qyzmet Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıteti, «Ulttyq aqparattyq tehnologııalar» aksıonerlik qoǵamy, Densaýlyq saqtaý mınıstrliginiń birlesken jumysynyń nátıjesinde iske qosyldy.
