Tártipti ózińnen basta!

Is-sharaǵa sondaı-aq Qordaı aýdanynyń ákimi Begzat Bolat­bekov, aýdan prokýrory Bir­lik Izbasarov, aýdandyq más­l­ıhat tóraǵasy Nurdın Sa­dy­qov, «Ońtústik» óńirlik qol­bas­shylyǵy áskerleriniń qolbasshysy Erjan Ybyraev, máslıhat depýtattary, quqyq qorǵaý organdarynyń ókil­deri, ardagerler, bilim berý mekemeleriniń basshylary jáne muǵalimder, psıholog mamandar, 300-den asa belsendi oqýshy men kolledj stýdentteri qatysty.

Jıynda kirispe sóz alǵan Jambyl oblysynyń prokýro­ry ózińnen bastalatyn tártip­tiń mańyzy, qazirgi tańda jas­tar men jasóspirimder ara­syn­daǵy qylmystyń negizi, ata-analardyń tártibi týrasynda sóz qozǵady. Forýmǵa jı­nalǵandardy qoǵamda quqyq­tyq mádenıetti nasıhat­taýǵa belsendi atsalysýǵa shaqyryp, jas­tar arasynda quqyqtyq máde­nıetti qalyp­tastyrýǵa úndeý, quqyq bu­zýshylyqtar men tár­tipsizdiktiń aldyn alý, qo­ǵamda zań men tártip ústem­digin nasıhattaýǵa shaqyrdy.

– Meniń aıtatynym, árbir adam zańǵa baǵyný kerek. Sondyqtan ýákiletti organ­dar­dyń, quqyq qorǵaý organda­rynyń talaptary óte qatań bolýǵa tıis. Sol jaǵynan da búginde quqyq qorǵaý organdaryna osyndaı talaptar qoıyp otyrmyz. Ol talap tek qylmystyq jaýapkershilik emes, ákimshilik jaýapkershilik turǵysynan da qarastyrylǵan, – dedi N.Ábdirov.

Sonymen qatar Nurǵalym Májıtuly jastar ortasyndaǵy krımınogendik jaǵdaıǵa nazar aýdaryp, jastardyń memlekettiń bolashaǵyndaǵy róliniń mańyzyn atap ótti. Sóz sońynda zań men tártipti basty qundylyq retinde ustanyp, memleketimizde ádilettilik pen turaqtylyqty bıik qoıýǵa ár azamat, ár otbasy óz úlesin qosýǵa mindetti ekenin jetkizdi.

Atalǵan forýmda aýdandyq ardagerler keńesiniń tóraǵasy Birjan Álimbet sóz sóılep, birqatar usynysyn jetkizdi.

– Tártipke shaqyrý – tek quqyq qorǵaý organdarynyń emes, búkil qoǵamnyń mindeti. Biz árqaısymyz ózimizden bastap, otbasymyzda, aýylymyzda, aýdanymyzda tártip pen zańǵa qurmetpen qaraýdy nyǵaıtýǵa úles qosaıyq. Osyndaı bastamalardy qoldaý arqyly biz aýdandy tártipti, damyǵan jáne úlgili mekenge aınaldyra alamyz. Búgingi forým osy qundylyqtardy nyǵaıtyp, ár azamattyń jaýapkershiligin arttyrýǵa septigin tıgizedi dep senemin, – dedi Birjan Ábdikerimuly.

Kelesi kezekte «Ońtústik» óńirlik qolbasshylyǵy ásker­leriniń qolbasshysy Erjan Ybyraev sóz alyp, «Otanǵa qyzmet – elge qyzmet» ekenin aıtyp, sol sebepti de Otan aldyndaǵy áskerı boryshty óteý qasıetti mindet ekenin de alǵa tartty.

Búgingi tańda prokýratýra oqý oryndarynda quqyq buzý­shylyqtardy jasyrý fak­ti­leriniń árqaısysy boıyn­sha qatań sharalar qabyl­dap jat­qanyn da aıta ketken jón. Buǵan byltyr laýazym­dy tulǵa­larǵa qatysty 4 qyl­mystyq istiń qozǵalýy – dálel.

Psıhologter men «Komek Stop Bullying Jambyl» Telegram-botynyń kómegimen kámeletke tolmaǵandarǵa qatysty jasyryn sıpattaǵy birneshe qylmys pen quqyq buzýshylyq anyqtaldy.

Forýmda jazanyń bultart­pastyǵy men sıntetıkalyq esirtkilerdiń zııandy áserin kórsetetin taqyryptyq beınerolıkter usynyldy. Sondaı-aq aýdannyń aýyldyq eldi me­kenderinde jáne aımaqtyń basqa da aýdandarynda osyndaı aýqymdy is-sharalardyń bastal­ǵanyn aıta ketken jón.