Foto: 24KZ
Aıta keteıik, Qazaqstannyń Marrakesh shartyna qosylýy kórý qabileti nashar adamdarǵa arnalǵan kitaptarǵa, jýrnaldarǵa, oqý materıaldaryna qoljetimdilikti keńeıtýge, sondaı-aq, qoǵamnyń mádenı jáne áleýmettik ómirine qoljetimdilikti qamtamasyz etýge múmkindik beredi. Odan bólek, atalǵan sanattaǵy adamdar úshin qoljetimdi formattarda jasalǵan týyndylardyń danalarymen halyqaralyq almasýdy júzege asyrýǵa jol ashady.
«Múmkindigi shekteýli azamattardyń kuqyqtaryn qorǵaý jáne olarǵa teń múmkindikter qalyptastyrý – áleýmettik saıasattyń negizgi baǵyttarynyń biri. Osy rette, qaralǵan sharttyń erejeleri kórý qabileti buzylǵan adamdardyń ádebı jáne kórkem týyndylarǵa qoljetimdiligin arttyrýdy kózdeıdi. Atap aıtqanda, kelisim aıasynda taraptar arasynda qoljetimdi formattaǵy danalarmen almasý jáne olardy ımporttaý tetikteri qarastyryldy. Maquldanǵan zań elimizde ınklıýzıvti orta qalyptastyrýǵa oń úlesin qosady dep senemiz», dedi Máýlen Áshimbaev.
Sonymen qatar Palata otyrysynda senator Sultan Dúısembınov Úkimetke depýtattyq saýal joldady. Ol Qonaev qalasynyń ınfraqurylymdyq damýyn qamtamasyz etýge qajetti maqsatty qarjylandyrýdyń joqtyǵyna nazar aýdardy. Osyǵan baılanysty depýtat 2023-2025 jyldarǵa arnalǵan bıýdjetti naqtylaý kezinde respýblıkalyq bıýdjetten nysanaly transfertter qarastyrýdy usyndy.
