2025 jyldyń 13 qańtarynda jarııalanǵan Halyqaralyq Global Firepower Ranking reıtınginde elimiz 1,1016 upaımen 145 eldiń ishinde 57-orynǵa turaqtap, Ortalyq Azııada kósh bastady. Al 2024 jyly 58-orynǵa ıe bolsaq, aldyńǵy jyly 63-orynǵa turaqtadyq.
Jalpy, Qazaq eliniń ekonomıkalyq turǵydan áskerı shyǵyndary 1,3 trln teńgeni quraıdy. Bul tehnıkalardy jańartýǵa, qorǵanys ónerkásibin damytýǵa jáne oqý-jattyǵýlardy júıeli túrde oryndaýǵa múmkindik beredi.
Ortalyq Azııaǵa kelsek, О́zbekstan bizden bir saty tómen, 58-orynǵa jaıǵasty. Túrikmenstan 77-shi, Qyrǵyzstan 105-shi jáne Tájikstan 108-oryndy ıelendi.
Úzdik úshtikke burynǵysha AQSh, Reseı jáne Qytaı kiredi. Al Ortalyq Afrıka Respýblıkasy, Benın jáne Býtan memleketteri kósh sońynda.
Aıta keteıik, bul reıtıng 60-tan asa jeke faktordy paıdalana otyryp, eldiń kúsh-qýat kórsetkishin anyqtaıdy. Bul áskerı bólimderdiń sany men qarjylyq jaǵdaıynan bastap logıstıkalyq múmkindikter men geografııa aýmaǵyna deıingi erekshelikterdi qamtıdy.
Nurdáýlet KÁRIBAI,
Q.A.Iаsaýı atyndaǵy HQTÝ stýdenti
Túrkistan
