Qurmet belgisimen marapattaldy

Keshe Máskeýde Reseıdegi Qazaqstan elshiliginde Qazaqstan Respýblıkasynyń Prezıdenti Nursultan Nazarbaevty Reseı Ǵylym akademııasy Ekonomıka ınstıtýtynyń Qurmet belgisimen marapattaý rásimi ótti. Nagradany Qazaqstan Respýblıkasynyń Prezıdentine tabystaýdy ótingen Ekonomıka ınstıtýtynyń dırektory Rýslan Grınberg bylaı dedi: – Men úshin Eýrazııalyq odaqtyń qurylýyna negiz salǵan izashar retinde Nur­sultan Ábishuly Nazarbaevqa bizdiń ınstıtýttyń Qurmet belgisin berý zor mártebe. Biz álemdik ekonomıkanyń or­tadan tepkish kúshteri or­taǵa tartqysh kúshinen basym bolyp otyrǵan beımaza ke­zeńinde ómir súrip otyrmyz. Sonyń ózinde aımaqtandyrý úde­risi qalyptasqanyn atap ótý qajet. Reseı men Qy­taı­dyń ortasynda ornalasqan Qazaqstandy basqarý úshin tek aqyl men kásibılik qana emes, sonymen birge, erjúrektilik te qajet ekendigin atap ótkim ke­ledi. Nursultan Ábishuly dál sondaı erjúrek adam, kó­re­gen saıasatker bolyp tabylady jáne ol Qazaqstan Res­pýb­lıkasyn basqaryp otyr­­ǵanyna men shynaıy qýa­na­myn», – dedi ınstıtýt dı­rektory. Qurmet belgisin qabyl alǵan Qazaqstannyń Reseıdegi Tótenshe jáne ókiletti elshi­si Marat Tájın óz kezegin­de reseılik akademıkke Qa­zaq­stan Respýblıkasy Prezı­den­tiniń erekshe qyzmetin moı­yn­daǵany úshin ystyq yqylasyn bildirdi. – Nursultan Ábishulynyń ekonomıka ǵylymynyń damýyna qosqan úlesine jo­ǵa­ry baǵa bergenińiz úshin alǵy­symdy aıtamyn. Jalpy alǵan­da, Qazaqstannyń eko­no­­mı­kalyq damý úlgisi Pre­zı­­denttiń ekonomıkaǵa kózqa­­ra­­synyń damýymen aıqyn­­dalady. Uzaq jyldar boıy bizdiń elimiz joǵary ekono­mı­ka­lyq tıimdilikti kórsetip otyr­ǵany – bul Nursultan Ábish­­uly­­nyń erik-jigeriniń ná­tı­jesi», – dedi Marat Tájın. Qazaqstan elshisi Re­seı Ǵylym akademııasy Eko­no­mıka ınstıtýty men Qazaqstan arasynda uzaq ýaqyttan beri tyǵyz ári jemisti baılanys ornaǵanyn eske saldy. Jáne bul qarym-qatynas odan ári jalǵasyn tabatynyna senim bildirdi. Saltanatty sharaǵa Qa­zaq­stan elshiliginiń qyzmet­ker­leri jáne buqaralyq aqparat quraldarynyń ókilderi qatysty, dep habarlady Qa­zaqstan Respýblıkasynyń Reseı Federasııasyndaǵy el­shiliginiń baspasóz qyzmeti.