Bul qasıetti qobyz atadan balaǵa mura bolyp saqtalǵan. Ony mýzeıge 2004 jyly Qostanaı oblysy Denısov aýdanyndaǵy Shoqybaı kentiniń turǵyny Jańyl Kósherova tapsyrǵan. Negizi ıesi – Nurǵalı Kúzembaev esimdi atamyz. Bul kisi, shamamen 1890-jyldary ómirge kelgen. Rýy noǵaıtileý. El ishinde narqobyzben baqsylyq qurǵan. Adamdardy emdegen. Ásirese bala súıe almaı júrgen jandarǵa járdemi tıgen.Oǵan bul qobyz aǵasynan qalypty.
Ǵasyrdan astam tarıhy bar aspap qaraǵashtan oıyp jasalǵan. Pishini ojaý tárizdi, moıny ıilgen. Shanaǵynyń ortańǵy bóliginde oıylǵan aǵash aqyq jáne metall japsyrmalarmen bezendirilgen. Sondaı-aq shanaǵynyń tómengi bóligindegi qýys terimen qaptalǵan.
Narqobyz – qyl ishekti mýzykalyq aspaptardyń ishindegi eń kóne túri. Tarıhı derekterde narqobyzdy baqsylar táńirmen tildeskende, jyn-perilerdi qashyrǵanda jáne ózge de dinı rásimderde tartqan eken. Sonymen birge ony jaýgershilik zamanda áskerge rýh berý maqsatynda qoldanǵan.
