Memlekettik saıasattyń  basty qundylyǵy

Premer-Mınıstrdiń orynbasary Berdibek Saparbaevtyń astanalyq oblysqa jumys sapary iskerlik ári jınaqylyq sıpatynda ótti. Ol delegasııa quramyndaǵy mınıstrlikter men ulttyq kompanııalardyń ókilderin ÚIID baǵdarlamasyn sátti júrgizip otyrǵan «ENKI» JShS keramıkalyq kirpish zaýytyna bastap kelip, búgingi kúni ózektiligi arta túsken jumysshylardyń eńbek quqyǵy men áleýmettik kepildikterin qamtamasyz etý máseleleri boıynsha keńes ótkizdi. – Elbasy N.Á.Nazarbaevtyń «Nurly Jol – bolashaqqa bas­tar jol» Joldaýynda alǵa qoıylǵan tapsyrmalardy oryndaý maqsatynda birqatar uıymdastyrýshylyq, taktıkalyq qadamdar jasalýda, – dedi Vıse-premer B.Saparbaev. – Qazirgi daǵdarysty jaǵdaı el tirshiligine de áserin tıgizetini belgili. Álemniń kóp elin sharpyp otyrǵan ekonomıkalyq keleńsizdikterge tótep berý úshin naqty qam-qareketter qolǵa alyndy. Sonyń eń bastysy halyqqa jumys berý, jumyssyzdar sanyn kóbeıtpeý, áleýmettik jaǵdaıdyń tómendeýine jol bermeý bolyp tabylady. Elimizde mańyzdy 8 memlekettik baǵdarlama jumys istep jatyr, solardyń arqasynda 400 myńǵa jýyq jumys orny ashylýy tıis. Munyń barlyǵy ishki múmkindikterimizdi paıdalaný arqyly júzege asady. Import almastyrý, ózimiz óndirgen ónimderdi ózimiz paıdalaný, óndiristik qýattardy arttyra túsý turaqtylyqqa jol ashady. Aqmola oblysynyń ákimi Sergeı Kýlagın Prezıdenttiń qatysýymen ótkizilgen byltyrǵy telekópirler barysynda ındýstrııalandyrýdyń jańa qadamdaryna oń baǵa berilgenin atap kórsetti. Aımaqta 2014 jyldyń qorytyndysy boıynsha, barlyq qarjylandyrý kózderin jumyldyrý arqyly ekonomıkaǵa 181 mıllıard teńgeden astam qarjy tartyldy. Munyń 70 paıyzy bıýdjetten tys qarjyny qurasa, sonyń 8,7 mıllıard teńgesi sheteldik kúrdeli salymdar bolyp otyr. Jurtshylyqtyń jappaı eńbek belsendiligin qalyptastyratyn 36 myń shaǵyn jáne orta bıznes nysandarynda 137 myń adam jumys isteýde. О́ńirde 2014 jyly Indýstrııalandyrý kartasy sheńberinde 17 mıllıard teńgeni quraıtyn ındýstrııalyq-ınnovasııalyq 10 joba iske asyrylyp, 720 adam turaqty jumys ornymen qamtyldy. Premer-Mınıstrdiń oryn­basary B.Saparbaevtyń eko­nomıkalyq daǵdarysqa qarsy sharalardyń oryndalýy, Kalachı jáne Qoıandy aýyldaryndaǵy oryn alǵan jaǵdaılarǵa qatys­ty suraqtaryna oblys basshy­sy men onyń orynbasary Dý­lat Nurmoldın naqty jaý­ap­tar qaıtardy. Atap aıt­qanda, «KamAZ-Injınırıng», «Stepnogor taý-hımııa kombınaty» jáne basqa kásiporyndarynyń ónimderin ótkizý jóninde Úkimet tarapynan qoldaý jasalatyny, al joǵaryda atalǵan aýyldarda turǵyndar múddesine saı jumystar júr­gizilip jatqany málim boldy. Keńes sońynda Aqmola ob­lysynyń ákimdigi, kásip­odaq­tardyń oblystyq keńesi jáne kásiporyndar basshylary arasynda jumysshylardyń eńbek quqyǵy men kepildikterin qam­tamasyz etý jóninde ózara túsinistik pen yntymaqtastyq týraly memorandýmdarǵa qol qoıyldy. Bastamashylar arasynda «Tynys» aksıonerlik qoǵamy, «Stepnogor taý-hımııa kombınaty», «Stepnogor podshıpnık zaýyty» AQ, «Altyntaý-Kókshetaý», «KamAZ-Injınırıng», «Kókshetaý mıneraldy sýlary», «ENKI» keramıkalyq kirpish zaýyty sııaqty jetekshi kásiporyndarmen qatar, respýblıkalyq ulttyq kompanııalar da bar. Endigi jerde 22 mıllıard teńgeniń 13 memorandýmy qalypty tirshiligimizge ózindik yqpalyn tıgizetin bolady. Baqbergen AMALBEK, «Egemen Qazaqstan». Aqmola oblysy.