Is-sharaǵa Túrkııa jáne Qazaqstan ýnıversıtetiniń til ǵalymdary men mádenıet qaıratkerleri qatysty. Olar qazaq jáne túrik tilderiniń arasyndaǵy leksıkalyq, grammatıkalyq uqsastyqtar men aıyrmashylyqtardy qarastyryp, túrki tilderindegi etistikterdiń tarıhy men qazirgi jaǵdaıy jóninde baıandama jasady. Sonymen qatar túrki dúnıesine ortaq tildik platforma jasaqtalyp, sıfrlandyrý dáýirindegi tehnologııalyq termınderdi shyǵarý jospary talqyǵa salyndy.
Kitap avtory dosent Kenen Koch sózdikterdiń ǵylymı jumys qana emes, baýyrlas halyqtar arasynda til arqyly baılanys ornatýdyń jańa qadamy ekenin aıtady. «Qazaq jáne túrik tilderiniń arasyndaǵy jaqyndyqty, uqsastyqtar men aıyrmashylyqtardy zertteý arqyly biz bir-birimizdi tereńirek túsinýge múmkindik alamyz. Tildik zertteýlerdiń mańyzdylyǵy kúnnen-kúnge artyp keledi. О́ıtkeni til – tek qarym-qatynas quraly ǵana emes, mádenıetimizdiń aınasy», deıdi kitap avtory.
