Degenmen qazaq jankúıerleriniń nazary áli de jasyl qurlyqta. Sebebi jastar arasyndaǵy jarysta 17 jastaǵy Ámir Omarhanov jaqsy óner kórsetip jatyr. Tusaýkeser kezdesýinde ol AQSh oıynshysy Matıs Farzamamen sheberlik baıqasty. Qos darynnyń arasyndaǵy báseke óte shıelenisti ótip, eki set te taı-breıkke deıin jalǵasty. Ekeýi de 7:6, 7:6 esebimen jerlesimizdiń paıdasyna sheshildi. Ekinshi kezeńde kort qojaıyny Imeralı Ibraımımen kúsh synasyp, bul oıynda da asyǵy alshysynan tústi – 6:4, 6:3. Úshinshi kezeńde Ámir shvesııalyq Vıllıam Reıchman Vınsıgýerramen kezdesedi.
Zańǵar Nurlanuly da Melbýrndegi dodany sátti bastady. Alǵashqy aınylymda ol aýstralııalyq Nıkolas Beıkerden aılasyn asyrdy – 6:2, 3:6, 6:3. Bir ǵajaby, Zańǵar birde-bir ret jasyl qurlyq ókilderinen jeńilmegen eken. Bul joly da dál solaı boldy. Zańǵar endi bolgarııalyq Aleksandr Vasılevpen oınaıdy.
