- Keshe Portýgalııada «Chelendjer» sanatyndaǵy týrnırlerdiń biriniń shymyldyǵy túrildi. Irikteý synynyń bastapqy básekesinde qazaq tennısshisi Beıbit Juqaev Nıderlandtyń ókili Mık Veldheerden 7:6, 6:3 esebimen basym tústi.
- Halyqaralyq fýtbol tarıhy men statıstıkasy federasııasy (IFFHS) 2004 jyldyń eń úzdik chempıonattaryn anyqtady. Kósh basynda – Italııanyń A serııasy. Ekinshi, úshinshi oryndarda – Ispanııanyń La Lıgasy men Anglııanyń Premer-lıgasy. Sondaı-aq Brazılııa, Germanııa, Argentına, Portýgalııa, Fransııa, Belgııa, Nıderlandtyń chempıonattary ondyqqa endi. Bul tizimde elimiz 86-satyda tur.
- Qurlyqtyq hokkeı lıgasyndaǵy (QHL) jaýapty matchtary qarsańynda «Barystyń» surmergeni Anton Býrdasov jaraqat alýyna baılanysty aldaǵy kúnderi muz aıdynyna shyqpaıdy. 33 jastaǵy shabýylshy bıylǵy maýsymda 12 gol soǵyp, 5 ret nátıjeli pas berdi. Sondaı-aq jaraqattanǵandar tiziminde Álıhan Ásetov pen Ańsar Shaımerdenov te bar.
- Ústel tennısinen Týnıste uıymdastyrylǵan WTT Youth Contender Tunis týrnırin Alan Qurmanǵalıev qola medalmen qorytyndylady. 19 jasqa deıingi sportshylar arasyndaǵy jarysta óner kórsetken ol Danılo Faso (Italııa), Rafael Formela, Iаn Mrýgal (Polsha), Stepan Brel (Chehııa), Tom Klossetti (Belgııa) qapy qaldyryp, jartylaı fınalda Iýlıan Chırıtýge (Rýmynııa) ese jiberdi.
- Bul kúnderi Melbýrnde ótip jatqan Aýstralııanyń ashyq birinshiliginiń shırek fınalyna shyqqan barlyq tennısshi anyqtaldy. Erler arasynda Tommı Pol (AQSh) men Aleksandr Zverev (Germanııa), Novak Djokovıch (Serbııa) pen Karlos Alkaras (Ispanııa), Iаnnık Sınner (Italııa) men Aleks de Mınaýr (Aýstralııa), Ben Shelton (AQSh) men Lorenso Sonego (Italııa) úzdik segizdiktiń qatarynan kórinse, áıelder saıysynda Korı Gaýff (AQSh) pen Paýla Badosa (Ispanııa), Arına Sobolenko (Belarýs) men Anastasııa Pavlıýchenkova (Reseı), Emma Navarro (AQSh) men Iga Shventek (Polsha), Medıson Kız (AQSh) ben Elına Svıtolına (Ýkraına) dál sol mejege súrinbeı jetti. Endi osy juptar jartylaı fınalǵa shyǵý úshin baq synasady.
