Foto: Polisia.kz
2024 jyldyń qazan aıynda Qostanaı qalasynyń turǵyny Instagram jelisinde ınvestısııa salýdyń tıimdi joldary týraly jarnamaǵa qyzyǵýshylyq tanytyp, áýeli 100 AQSh dollaryn aýdarǵan. Kóp uzamaı, «keńesshiler» odan túrli salyqtar men alymdardy tóleýdi talap etip, áıeldi qosymsha qarjy salýǵa kóndirgen.
Polisia.kz aqparatynsha alaıaqtar onyń senimine kirip, birneshe bankten nesıe alýǵa májbúrlegen. Osylaısha, ol alaıaqtardyń esepshotyna 21 mıllıon teńgeden astam qarajat aýdarǵan. Atalǵan fakti boıynsha asa iri kólemdegi alaıaqtyq deregi boıynsha qylmystyq is qozǵaldy. Kúdiktilerdiń ornalasqan jerin anyqtaý jáne olardy ustaý boıynsha jumystar jalǵasyp jatyr.
