Depýtat túsirilip jatqan fılmderdiń sapalyq deńgeıi tómen ekendigin jetkizip, onyń elimizge teris ımıdj týdyratynyn atap ótti.
«Eń qıyny – qatań súzginiń joqtyǵynan qazaqtyń kórkem de shuraıly tili kúırep jatyr. Ekran men efırde kósheniń tili ústemdik ala bastady. Sonymen qatar, dástúrińdi dáldúrish qyp, teris dinı aǵymdardyń nasıhatyn kúıttep júrgen taspalar da joq emes», dedi ol.
Buǵan qosa Janarbek Áshimjan otandyq fılmderge memleket tarapynan qoldaýdy kúsheıtý kerektigin alǵa tartty.
«Germanııa kıno salasyna maman daıyndaý úshin jyl saıyn 76 mıllıon eýro bóledi. Al Ońtústik Koreıa otandyq kınony qoldaý úshin kınoteatrlarda kórsetiletin sheteldik fılmderdiń saǵatyn shekteıdi», dep mysal keltirip, salaǵa jaýapty mınıstrlik tómendegi sharalardy jedeldetip qolǵa alý kerektigin jetkizdi.
-Birinshi, búkil memleket boıynsha (meıli memleket bolsyn, meıli jeke tulǵalar bolsyn) túsiriletin fılmderdiń ıdeologııalyq, tildik, ulttyq ustanymyn retteý tetigin qarastyratyn arnaıy kórkemdik-saraptamalyq keńes qurý;
-Ekinshi, memlekettik tildegi ulttyq fılmderdiń úles salmaǵyna basymdyq berý;
-Úshinshi, fılmderde memlekettik tildiń normalary buzylýyn qatań qadaǵalaý;
-Tórtinshi, halyqty arnaıy ulttyq kınolardy kórsetetin kınoteatrlarmen qamtamasyz etý.
