Foto: Úkimet
Kezdesýge sondaı-aq Básekelestikti qorǵaý jáne damytý agenttigi ókilderi qatysty. Serik Jumanǵarın búginde birinshi sholý sheńberinde berilgen EYDU usynymdary 80%-ǵa oryndalǵanyn aıtty.
«Memleket basshysy aldymyzǵa Qazaqstannyń ekonomıkalyq saıasatyn atalǵan uıymnyń joǵary standarttaryna sáıkestendirý maqsatyn qoıdy jáne biz usynystardyń basym bóligin iske asyrdyq. Búgin sizderdi qyzyqtyratyn máselelerdi ekinshi sholý aıasynda talqylaýǵa daıynbyz», dedi vıse-premer.
Taraptar Qazaqstannyń básekelestikti damytý jáne ekonomıkany yryqtandyrý salasyndaǵy bastamalaryn talqylady. Onyń ishinde BQDA janynan qurylǵan Ulttyq jekeshelendirý keńesiniń kásipkerlikke memlekettiń qatysýyn azaıtý jónindegi josparlaryna oń baǵa berildi.
EYDU ókilderi Qazaqstannyń básekelestik zańnamasy men saıasatynyń ekinshi sholýyn daıyndaýǵa materıal jınaý úshin basqa da memlekettik organdar jáne halyqaralyq uıymdar basshylarymen birqatar kezdesý ótkizýdi josparlap otyr.
