- Elimizdiń úsh tennısshisi Portýgalııanyń Oeırash qalasynda ótip jatqan «Chellendjer» sanatyndaǵy týrnırdiń negizgi bóligine joldama aldy. Irikteý synynyń sheshýshi tusynda Beıbit Juqaev germanııalyq Krıstof Negrıtti (7:6, 6:4), Denıs Evseev kort qojaıyny Tıago Pereırany (2:6, 6:4, 6:4), Dmıtrıı Popko belgııalyq Rafael Kollınondy (6:3, 6:2) qapy qaldyrdy. Mıhaıl Kýkýshkın Fransııadaǵy dodany sátti bastady. Tusaýkeser kezdesýinde slovakııalyq Iozef Kovalıkten (6:7, 6:3, 6:4) basym tústi.
- 5-9 aqpan aralyǵynda Horvatııada kúres túrlerinen Zagreb Open týrnıriniń jalaýy jelbireıdi. Jarysta elimizdiń bir ǵana balýany kúsh synasady. Ol – 87 kg salmaq dárejesinde beldesip júrgen grek-rım kúresi sheberi Islam Evloev. Islamnyń jastar arasyndaǵy álem, Azııa (U-20) chempıony degen ataqtary bar. Byltyr dál osy týrnırde erkin kúres sheberi Azamat Dáýletbekov (86 kg) kúmis medaldy ıelendi.
- Latvııada qyzdar arasynda shaıbaly hokkeıden ótip jatqan álem birinshiliginiń ekinshi kezdesýinde elimizdiń quramasy Jańa Zelandııany 14:3 esebimen oısyrata utty. Alǵashqy básekede bizdiń burymdylar Ulybrıtanııadan aılasyn asyrǵan edi – 3:1.
- Tanymal qaqpashy Davıd Lorııa elimizdiń fýtbol federasııasynyń (QFF) vıse-prezıdenti bolyp taǵaıyndaldy. Kezinde ol otandyq «Esil», «Astana», «Shahter», «Ertis», «Qaırat», «Ordabasy», Shvesııanyń «Halmstad», Reseıdiń «Spartak-Nalchık», Túrkııanyń «Rızespor», «Karshııaka» klýbtarynda oınady. 1999 jyly Nıgerııada ótken jastar arasyndaǵy álem birinshiligine qatysty. Ulttyq qurama sapynda 47 oıyn ótkizdi.
- 24 qańtarda Kanadanyń Kalgarı qalasynda konkıden Álem kýboginiń shymyldyǵy túriledi. Eki kúnge sozylatyn básekede elimizdiń namysyn Marııa Degen, Nadejda Morozova, Krıstına Shýmekova, Inessa Shýmekova, Margarıta Galıeva, Krıstına Sılaeva, Darıa Vajenına, Roman Bınazarov, Vıtalıı Shıgolev, Artýr Galıev, Demıan Gavrılov, Aleksandr Klenko, Evgenıı Koshkın, Baqdáýlet Saǵatov, Nıkıta Vajenın, Vadım Iаkýbovskıı, Altaı Járdembekuly qorǵaıdy.
- Bıylǵy QHL-dyń «Juldyzdar matchy» 8-9 aqpan aralǵynda Reseıdiń Novosibir qalasynda ótedi. Bul jarysta «Barystyń» jalǵyz ǵana hokkeıshisi óner kórsetedi. Ol – qaqpashy Nıkıta Boıarkın. 26 jastaǵy Qaraǵandynyń týmasy «Chernyshev dıvızıonynyń» namysyn qorǵaıdy.
- Keshe Tashkentte bokstan О́zbekstan chempıonaty bastaldy. Atalǵan jarysta sol memlekette turyp jatqan qazaqtyń 15 bylǵary qolǵap sheberi baq synaıdy. Olar – Madııar Saıdraqymov, Rýslan Abdýllaev, Saıat Ilııasov, Sabyrjan Tastanov, Arman Mahanov, Qazbek Esengellıev, Ǵanıbek Muratqasymov, Mashrap Ábdýqaıym, Asylhan Anarbaev, Madııar Danııarov, Aıdos Taǵaıbaev, Amantaı Shalanov, Imanǵalı Jaılaýov, Súndet Muratov, Nurıslam Abdýllaev.
