- Reseıdiń Krasnoıar qalasynda Ivan Iаrygınniń týrnıri bastaldy. «Kishi álem chempıonatyna» balanǵan jarysta erkin kúresten elimizdiń namysyn Qaırat, Qýat Ámirtaevtar (61 kg), Rıfat Saıbatalov (65 kg), Murat Jaqypov (74 kg) syndy balýandar qorǵaıdy. Áıelder kúresinen ótetin básekede Maral Táńirbergenova (50 kg), Nılýfar Raımova (57 kg), Shuǵyla О́mirbek (57 kg), Aınur Áshimova (59 kg), Tynys Dúbek (62 kg), Vıktorııa Hýsaınova (62 kg), Aızada Amangeldi (65 kg), Álbına Qaıyrgeldınova (68 kg), Shamshııabaný Tastanbek (72 kg), Elmıra Syzdyqova (76 kg) baq synaıdy.
- 28 aqpanda Astanada kásipqoı boks keshi ótedi. Sol jarysta sýper orta salmaqta saıysqa túsip júrgen elimizdiń tanymal bylǵary qolǵap sheberi Álı Ahmedovtiń de (23-1, 17 KO) óner kórsetýi múmkin. Boksshynyń jeke bapkeri Saǵatbek Musahanovtyń aıtýynsha, qazirgi kezde jerlesimizge qarsylas retinde qarastyrylyp otyrǵan Polshanyń ókili Maseı Sýlenskımen (32-3, 12 KO) kelissóz júrgizilip jatyr.
- Portýgalııanyń Oeırash qalasynda ótip jatqan «Chellendjer» sanatyndaǵy týrnırdi elimizdiń tennısshileri sátti bastady. Alǵashqy aınalymda Beıbit Juqaev kort qojaıyny Gashtan Elıashty eńserdi – 6:3, 6:2. Endi ol óziniń otandasy Dmıtrıı Popkomen kúsh synasady. Sonyń aldynda ǵana Popko belgııalyq Rafael Kollınondy utqan edi – 6:3, 6:2.
- Tilek Muqanbetqalıevtiń ataǵy alysqa jaıylǵan Qabyrhan atty tulpary bıyl da Dýbaıdaǵy dúbirli dodaǵa qatysady. Byltyr dál osy shaharda ótken jarysta atalǵan sáıgúlik aldyna jan salmaı, 1 mıllıon AQSh dollaryn enshilegen edi.
- Qazirdiń ózinde ÝEFA Chempıondar lıgasynyń 1/8 fınalyna shyqqan 18 komanda belgili. «Lıverpýl» (Anglııa) men «Barselona» (Ispanııa) alǵa qoıǵan maqsatyn kúni buryn oryndap tastasa, solardyń qataryna keshe «Arsenal» (Anglııa), «Inter» (Italııa), «Atletıko» (Ispanııa), «Mılan» (Italııa), «Atalanta» (Italııa), «Baıer» (Germanııa), «Aston Vılla» (Anglııa), «Monako» (Fransııa), «Feıenoord» (Nıderland), «Lıll» (Fransııa), «Brest» (Fransııa), «Borýssııa Dortmýnd» (Germanııa), «Bavarııa» (Germanııa), «Real Madrıd» (Ispanııa), «Iýventýs» (Italııa), «Seltık» (Shotlandııa) qosyldy. Qalǵan komandalardyń taǵdyry 29-30 qańtar kúnderi ótetin sońǵy týrda sheshiledi.
- 3-8 aqpan aralyǵyna Abý-Dabıde júlde qory 1 mıllıon dollardan asatyn WTA 500 týrnıri ótedi. Bul jarysta elimizdiń birinshi, ekinshi raketkalary – Elena Rybakına men Iýlııa Pýtınseva óner kórsetedi.
- Osydan 10 jyldan asa ýaqyt buryn elimizdiń premer-lıgasynda «Aqtóbeniń» sapynda oınaǵan jartylaı qorǵaýshy Tımýr Kapadze О́zbekstannyń ulttyq quramasynyń bas bapkeri bolyp taǵaıyndaldy. 43 jastaǵy Fergananyń týmasy buǵan deıin sol eldiń jastar komandasyn (U-23) jattyqtyryp, tarıhı jeńisterge qol jetkizgen edi.
