Pavlodarda onkologııalyq dıspanserdiń qurylysy bir jylǵa shegerildi

PAVLODAR. 5 aqpan. Pavlodarda salynatyn onkologııalyq dıspanserdiń qurylysy taǵy da bir jylǵa shegerildi. Bul týraly egemen.kz tilshisi habarlady. Bas dárigeri Murat Súleımenovtiń aıtýynsha, negizinen jobalyq-smetalyq qujattamalar daıyn. Qurylysty bastaýǵa memlekettik sáýlet-qurylys baqylaý basqarmasynyń ruqsaty da bar, alaıda, qarjylyq jaǵdaıǵa baılanysty qurylysty shegerýge týra kelip otyr. Degenmen, qazirgi dıspanserdiń jańa ǵımarat salynyp bitkenshe eshqandaı qıyndyq keltirmeıtini anyq. Mamandar jetkilikti. Jalpy, óńirimizde boljam boıynsha, bıyl qaterli isikke shaldyǵý kórsetkishteri 11-20 paıyzǵa artypty. Obyrǵa shaldyǵý kórsetkishi 100 myń turǵynǵa shaqqanda 30,5 paıyzdy qurady. Oblystyq densaýlyq saqtaý basqarmasynyń málimetinshe, ótken jyly óńirdegi onkologııalyq dıspanserdiń tiziminde 9500 adam turǵan. Al, jyl saıyn óńirde 2 myńǵa jýyq adam osy dertke shaldyǵatyn kórinedi. Farıda Byqaı. Derek: egemen.kz. Sýret: remarka.kz.