Foto: Ashyq derekkóz
IFLA - kitaphana isindegi kásibı mamandardyń eń iri jahandyq qoǵamdyq uıymy. Ol ártúrli elderdegi kitaphana isiniń ozyq tájirıbesin jınaqtaıtyn jáne taldaıtyn, kitaphanada qyzmet kórsetýdi jáne aqparatty uıymdastyrýda halyqaralyq standarttardy belgileıdi.
Astanada IFLA Dúnıejúzilik kongresin ótkizý Qazaqstannyń iskerlik týrızm ortalyǵy retindegi pozısııasyn nyǵaıtý jolyndaǵy mańyzdy qadam bolmaq. Halyqaralyq is-shara sala mamandarynyń kásibı deńgeıin jetildirýge jáne kitaphanalyq-aqparattyq qyzmetterdiń sapasyn arttyrýǵa baǵyttalǵan.
Oǵan qatysýshylar zamanaýı úrdister men tehnologııalardy talqylap, qoldanýshylarǵa qyzmet kórsetý sapasyn jaqsartýǵa áser etetin kitaphanalar jumysynyń tıimdi standarttaryn aıqyndaıdy. Kongress Ortalyq Azııadaǵy kitaphana qaýymdastyǵynyń rólin nyǵaıtýdyń mańyzdy alańyna aınalady.
Prezıdent Ulttyq quryltaı otyrysynda kitaphana isi erekshe nazar men qamqorlyqty qajet etetinin atap ótti. Bul baǵytta Qazaqstanda Dúnıejúzilik kongresti ótkizý erekshe ózekti jáne mańyzdy bolmaq. Kongresske qatysýshylar Qazaqstannyń baı murasymen tanysyp, eldiń týrıstik jáne kórnekti oryndaryn tamashalaı alady.
«Bul MISE-is-sharasyn ótkizý Astanaǵa shamamen 2 mln eýro tabys ákeledi dep kútiledi. Jalpy kiris sheteldik delegattardyń turý, kólik, tamaqtaný jáne basqa da qyzmetterge jumsaǵan shyǵyndary esebinen quralady. Ortasha eseppen árbir meıman óz sapary barysynda shamamen 1400 dollar jumsaıdy. Atap ótken jón, Halyqaralyq kitaphanalar qaýymdastyqtary men mekemeleri federasııalarynyń (International Federation of Library Associations) kongresin ótkizý quqyǵy «Kazakh Tourism» kompanııasy «Astana damý ortalyǵy» JShS jáne «JOO kitaphanalar qaýymdastyǵy» QB birlese daıyndalǵan ótinim arqasynda berildi», delingen habarlamada.
