Sýret: instagram.com/kornekti_ustaz/
Baǵdarlamany iske asyrýǵa aýdannyń 300-ge jýyq pedagogi «Birtutas tárbıe» baǵdarlamasynyń praktıkalyq oqytý semınarlaryna qatysty.
Oqý – tárbıe úrdisimen biriktirilgen baǵdarlamany júzege asyrý aıasynda Q.Kemeńgerov atyndaǵy orta mektepte «Ultyq qundylyq – bolashaqtyń qaınar kózi» taqyrybynda oblystyq semınar, Jaıma mektebinde «Qundylyqtar men mádenıettiń tárbıe úderisindegi mańyzy», Qarajar mektebinde «Birtutas tárbıe baǵdarlamasy mektepke deıingi tárbıeleý men oqytýǵa jańa kózqaras», Sh.Shókın atyndaǵy mektepte «Jas sarbaz – Máńgilik el ulany», M.Kópeıuly atyndaǵy mektepte «Oqýshylardyń ózin-ózi basqarý júıesi jumysy», Aqshı mektebinde «Ulttyq qundylyqtar – bilimniń qaınar kózi», Jaıaý Musa atyndaǵy balalar óner mektebinde «Ulttyq qundylyqtar jáne ony iske asyrý joldary» taqyrybynda semınarlar ótkizildi. Atalǵan is-sharalar barysynda pedagogter baǵdarlamada kórsetilgen quzyrettilikter men qundylyqtardy iske asyrý jolyndaǵy úzdik ádis-tásildermen bólisip, sheberlik saǵattary, tanymdyq kórmeler, trenıngter ótti.
Aýdandaǵy «Ata-analardy pedagogıkalyq qoldaý ortalyǵynda» 3350 ata-ana tirkelgen. Onyń negizinde «Danalyq mektebi» júıeli jumys isteıdi. Buǵan qosa «Mıras», «Aqqý», ákeler, analar, ájeler, jeńgeler, aǵalar klýbtarynyń jumysy barlyq bilim berý uıymdarynda júrgizilip, tárbıe berý máselesinde mańyzdy ról atqaryp otyr. Aýdannyń birneshe mektebi «Senimen bolashaq» ata-analar birlestigi óńirlik fılıalymen únemi baılanysta.
«Balalar kitaphanasy» jobasy aıasynda mektepterdegi kitaphanalar jasóspirimderdi kitap oqýǵa baýlý jumysyn belsendi júrgizedi. Joba aıasynda túrli baıqaýlar men festıvalder, saıystar uıymdastyrylyp, aýdandyq forýmda kitap avtorlary men oqyrmandar kezdesti.
Al «Shabyt» jobasy negizinde ulttyq dástúrli ónerdi nasıhattaýǵa baǵyttalǵan oqýshylar arasyndaǵy aqyndar aıtysy jáne «Ánshýaq» respýblıkalyq festıvali turaqty ótkizilip keledi.
Búginde barlyq bilim berý uıymdarynda úzilis kezinde ádettegi qońyraýdyń ornyna ulttyq, tarıhı mańyzdylyǵy bar kúıler oınatylady. Ol kúılerdiń tarıhy men mańyzdylyǵyn bilý úshin qoljetimdi jerlerde Qr-kodtar qoıylǵan. «Ulttyq oıyn – ult qazynasy» ıdeıasyn júzege asyrý baǵytynda mektepterde úzilis kezinde oqýshylar toǵyzqumalaq, asyq atý, bes asyq, shahmat oıyndaryn oınaıdy. Buǵan qosa oqýshylardyń boıyndaǵy energııa men sýdy únemdeý, tabıǵatqa degen jańashyrlyq sezimderin oıatý negizinde «Únemdi tutyný» jobasy da sátti júzege asyp jatyr. Al balalardyń sóz saptaýyn, til baılyǵyn damytý, aqyn-jazýshylardyń shyǵarmalaryn tanytý maqsatynda apta saıyn «Dáıek sózder» beriledi. Qasıetti Baıanaýyl aýdanynan shyqqan aqyn-jazýshylardyń, ǵalymdardyń dáıek sózderinen jınaq jasalyp, oqýshylarǵa tanystyrylyp, jattaýǵa beriledi.
«Birtutas tárbıe» baǵdarmasynyń negizgi mindeti – eline adal qyzmet etetin, ulttyq qundylyqtarǵa toly, bilimdi – tolyq adamdy tárbıeleý. Bilim berý uıymdary barlyq múmkindikti paıdalanyp, Otanyna, halqyna minsiz qyzmet etetin tulǵany tárbıeleý jolynda eńbek etip keledi.
Gúlnazı Nurtaeva,
Baıanaýyl aýdany bilim bólimi ádistemelik kabınet meńgerýshisi
Pavlodar oblysy
