Qos tarap bilim alýshylarǵa ekijaqty qoldaý bildirý maqsatynda aldymen stýdentterdiń óndiristik tájirıbeden ótýin uıymdastyryp, artynsha jumysqa ornalasýǵa múmkindik beredi. Partııa músheleri osy bastamanyń arqasynda jastar arasyndaǵy jumyssyzdyq máselesi ońtaıly sheshiledi deıdi.
Atap aıtsaq, elordadaǵy «Astana Rolytechnic» joǵary kolledji, Tehnologııalyq kolledji, Tehnıkalyq kolledji, Qoǵamdyq tamaqtaný jáne servıs kolledji, Joǵary kólik jáne kommýnıkasııalar kolledji, Qurylys-tehnıkalyq kolledji jáne «LS Grýpp», «Paving Stone Company», «Digital System Service», «Biryńǵaı shoǵyrlandyrý ortalyǵy», «Dat kz», «Master kofe» Community, «Aqmol holdıng» JShS sekildi iri kásiporyndar bir maqsatta jumys istep, úsh myń stýdentti jumysqa ornalastyrmaq.
Jumysshy mamandyqtary jylynda «Amanat» partııasynyń yqpalymen atqarylyp otyrǵan bul bastama – alǵashqy iri qadamnyń biri. Aldaǵy ýaqytta partııa jumysyn toqtatpaıdy. Kerisinshe jastarǵa qoldaý bildirip, ártúrli bastamalardy iske asyrýdy kózdeımiz», deıdi partııa hatshysy Sholpan Karınova.
