Sýret: primeminister.kz
Ulttyq jobanyń maqsaty – eldegi kommýnaldyq qyzmetterdi turaqty ári sapaly usynýdy, jańa qýat kózderin salýdy, ınjenerlik jelilerdiń tozýyn 40%-ǵa deıin tómendetýdi qamtamasyz etý.
Búgingi tańda jylý, elektr, sýmen jabdyqtaý, sý burý salalaryndaǵy 87 monopolıst kásiporynnyń energetıkalyq jáne kommýnaldyq ınfraqurylymy 65-ten 100%-ǵa deıin tozǵan. Kommýnaldyq jelilerdiń jyl saıynǵy tabıǵı tozýy 2–3% nemese 4–5 myń km-ny quraıdy.
Qoldanystaǵy ınjenerlik jelilerdi jańǵyrtýdan basqa, bolashaqta elektr, jylý energııasy tapshylyǵyn boldyrmas úshin jıyntyq kólemi 7,3 GVt bolatyn qosymsha generasııalaý kózderin engizý josparlanyp otyr.
Ulttyq jobanyń mańyzdy elementteri – jeke ınvestısııalardy tartý, ınfraqurylymdy jańǵyrtýǵa jeke kompanııalardyń qatysýyn yntalandyratyn tetikterdi ázirleý, bul memlekettik bıýdjetke qarjylyq júktemeni azaıtýǵa kómektesedi.
Ulttyq joba sheńberinde 57 qalada 200-den asa tabıǵı monopolııa sýbektisi (70% memlekettik, 30% jeke) qamtyldy. Ár kásiporynǵa qarjylandyrýdyń jeke modeli tańdalady. Naryqtyq, bıýdjettik zaemdyq qarjylandyrý, sondaı-aq halyqaralyq qarjy uıymdarynyń zaemy boljanady. Barlyq zaem ulttyq valıýtada bolmaq.
Ulttyq jobada jetkizýshiler arasynda otandyq óndiris ónimderiniń úlesin qamtamasyz etý mindettemesi belgilenip, qoldaý is-sharalary ázirlendi.
711 taýar pozısııasyn óndiretin 187 kásiporynnyń tizimi jasaldy. Búgingi tańda elimizde qajettiliktiń jalpy sanynan 337 taýar pozısııasy boıynsha óndiristi oqshaýlaý úshin áleýet bar. Sonymen qatar tabysy tómen azamattardy memlekettik qoldaý qarastyrylǵan. Áleýmettik qorǵaý organdary kelesideı sharalardy usynady: kommýnaldyq qyzmetterdi óteýge turǵyn úı kómegin kórsetý, kommýnaldyq qyzmetterdi óteýge áleýmettik kómek kórsetý, ataýly áleýmettik kómek kórsetý.
