Foto: Vıdeodan alynǵan kadr
Áleýmettik jelide jol apatynyń vıdeosy paıda boldy.
Jergilikti polısııa qyzmetiniń habarlaýynsha, jol-kólik oqıǵasy bir kún buryn saǵat 23:45-te Alataý aýdanynda bolǵan.
«Toıota fýrgonynyń júrgizýshisi Raıymbek dańǵylymen shyǵys baǵytta kele jatyp, qarsy baǵyttaǵy qozǵalys jolaǵyna shyǵyp ketip, batys baǵytta kele jatqan eki Hyundai kóligimen soqtyǵysqan. Soqtyǵys saldarynan mıkroavtobýs aýdarylyp qaldy», dep habarlady qalalyq polısııa departamentiniń baspasóz qyzmeti.
Oqıǵa saldarynan úsh adam zardap shegip, olarǵa medısınalyq kómek kórsetilgen. Alataý aýdandyq polısııa bólimi jol-kólik oqıǵasynyń mán-jaıyn anyqtaýǵa kiristi.
