Foto: Ashyq derekkóz
О́tken jyldyń sońynda óndiristik jaraqat alǵandardyń sany 2023 jylmen salystyrǵanda 4,5%-ǵa azaıǵan. 2024 jyldyń qorytyndysy boıynsha óndiristik jaraqattaný deńgeıi (1000 jumysshyǵa shaqqandaǵy jazataıym oqıǵalar jıiligi koeffısıenti) 0,20 quraǵan.
Jaraqat alýdyń joǵary deńgeıi negizinen respýblıkanyń ónerkásiptik aımaqtarynda saqtalǵan. Máselen, Qaraǵandy oblysynda – 159, Shyǵys Qazaqstan oblysynda – 124, Pavlodar oblysynda – 112, Abaı oblysynda – 101, Qostanaı oblysynda – 91, Almaty qalasynda – 116 adam zardap shekken. Al, ekonomıkalyq salalar boıynsha zardap shekkenderdiń eń kóp sany taý-ken metallýrgııa kesheninde – 18,3% jáne qurylys salasynda – 10,1% oqıǵa tirkelgen.
Mınıstrlik sońǵy bes jylda eńbekti qorǵaý salasynda memlekettik organdar men jumys berýshiler qabyldaǵan keshendi sharalar óndiristik jaraqattaný deńgeıin 6,3%-ǵa tómendetkenin atap ótti.
Aıta keteıik, quqyq buzýshylyqtyń aldyn alý jáne boldyrmaý maqsatynda elimizdegi 3262 kásiporynda eńbek qaýipsizdigi jáne eńbekti qorǵaý normalary engizilgen. Sondaı-aq, 2019 jyldan bastap Eńbek jáne halyqty áleýmettik qorǵaý mınıstrligi «Nóldik jaraqattar – Vision Zero» tujyrymdamasyn ilgeriletý boıynsha qarqyndy jumys júrgizip jatyr. Oǵan búginde 605 kásiporyn qosylǵan.
