Foto: gov.kz
Ǵylym jáne joǵary bilim mınıstrliginiń málimetinshe, osy aralyqta test tapsyrǵandardyń 70 paıyzǵa jýyǵy shekti baldy jınaǵan. Testileý nátıjesi boıynsha ortasha ball 65-ti quraǵan. Eki oqýshy 137 ball jınap, joǵary kórsetkish tirkegen.
«Testke qatysýshylardyń 76,8%-y qazaq tilinde, 23,1%-y orys tilinde, 46 adam aǵylshyn tilinde UBT tapsyrǵan. Talapkerlerdiń basym bóligi, 16,9%-dan «Matematıka-Fızıka» jáne «Bıologııa-Hımııa» pánder kombınasııasyn tapsyrdy. 10,3%-y «Shyǵarmashylyq emtıhan» kombınasııasyn tańdaǵan. Eń az tańdalǵan kombınasııa – «Hımııa-Fızıka», ony 105 adam tapsyrǵan», delingen mınıstrlik málimetinde.
Mınıstrlik erekshe bilim berý qajettilikteri bar talapkerlerdiń qolaıly tes tapsyrýy úshin materıaldyq-tehnıkalyq bazany jaqsartýǵa nazar aýdaryp keledi. Tıisti jaǵdaı jasaýdyń arqasynda qańtar UBT-syna osy sanattaǵy 203 talapker qatysqan.
Talapkerler testileý aıaqtalǵannan keıin 30 mınýt ishinde apellıasııaǵa bere alady. Mundaı jaǵdaıda sertıfıkat apellıasııa týraly sheshim qabyldanǵannan keıin testilenýshiniń jeke kabınetine joldanady.
«Qazirgi tańda 111 adamnyń nátıjesi joıyldy. Onyń ishinde 70 talapker smartfon jáne shpargalka sııaqty tyıym salynǵan zattardy alyp ótý áreketi saldarynan test tapsyrý múmkindiginen aıyryldy, al testileý kezinde erejelerdi buzǵany úshin aýdıtorııadan 41 adam shyǵaryldy. О́zge tulǵalar anyqtalǵan joq», delingen mınıstrlik habarlamasynda.
Qańtar UBT-sy 13 qańtar men 10 aqpan aralyǵynda ótedi. Testileýge qatysýǵa 167 myńǵa jýyq talapker nıet bildirgen.
