ShYNAIY DOSTYQ PEN BAÝYRLASTYQ BELGISI

Keshe Túrik Respýblıkasynyń astanasy – Ankara qalasynda Qazaqstan Respýblıkasynyń Prezıdenti – Elbasy Nursultan Nazarbaevtyń eskertkishi salta­nat­ty jaǵdaıda ashyldy. Eskert­kish­tiń ashylýyna Qazaqstan Res­pýblıkasy Parlamenti Májili­si­niń Tóraǵasy Oral Muhamedjanov bastaǵan qazaqstandyq dele­gasııa músheleri, Túrkııa Uly Ulttyq Má­jilisiniń depýtattary, Ankara qalasynyń bas­shylary, osy elde tirkelgen birqatar shetel elshi­­lik­teriniń jetekshileri men An­ka­rada tura­tyn qazaq dıaspora­sy­nyń ókilderi qatysty.

Álısultan QULANBAI – Ankaradan.Qazaqstan Respýblıkasynyń Tuńǵysh Pre­zıdenti Nursultan Nazarbaevtyń 1997 jylǵy 10 jel­toqsandaǵy tapsyrmasyna sáıkes Astana qala­synyń eń kórikti jer­le­riniń biri – Esil óze­ni­niń jaǵa­syn­daǵy saıabaqta túrik halqynyń uly per­zenti Mustafa Kemal Atatúrikke eńseli eskertkish ornatylǵan bolatyn. Almatynyń ásem kóshesine Túrkııanyń burynǵy prezıdenti Turǵyt О́zal­dyń esimi berilgen-di. Sonymen qatar, Túrkııanyń qazirgi Prezıdenti Abdýlla Gúl Qazaqstanǵa jasaǵan ja­qyndaǵy sapary kezinde: “Qazaqstan Prezıdenti Nur­sultan Nazarbaevqa barlyq túrki álemi úshin atqa­ryp kele jatqan eren eńbegine oraı shyn júrekten al­ǵy­symyzdy bildiremiz. Biz asa qurmetti Nursultan Na­zar­baevqa Ankarada eskertkish ornatamyz”, – dep qa­zaq­standyqtarǵa ǵana emes, kúlli túrki álemine ortaq  kere­met jańalyqty jarııa etken edi. Sonyń sáti búgin keldi.

Qazaqstan Respýblıkasynyń Tuńǵysh Prezıdenti Nursultan Na­zarbaevqa ornatylǵan eskertkishtiń ashylý saltanaty jergilikti ýaqyt boıynsha saǵat 17.00-de bastaldy. Eskertkish qoıylǵan aýmaq mańaıy merekedegideı ásem bezendirilgen eken. Qazaq pen túriktiń jan ja­dy­ratatyn ánderi men áýenderi ke­zek-kezek shyrqalýda. Jınalǵan qaýymnyń qarasy asa mol. Belgi­lengen ýaqytta saltanatty rásimniń resmı bóligine kezek berildi. Qazaqstan Parlamenti Májilisiniń Tóraǵasy Oral Muhamedjanov, Túrkııa Uly Ulttyq Májilisiniń Tóraǵasy Mehmet Álı Shahın, Astana qalasynyń ákimi Imanǵalı Tasmaǵam­betov, Ankara qalasynyń meri Melıh Gókchek jáne Qa­zaq­stan­nyń Túrkııadaǵy elshisi Baǵdat Ámireev eskert­kishti kómkergen ma­tany jaıymen tómen túsire berdi. Sálden soń Qazaqstan Respýb­lı­kasynyń Tuń­ǵysh Prezıdenti –  Elbasy Nursultan Nazarbaevtyń tulǵasy jarqyrap kórine berdi. Dýyldata qol soǵyp, eńseli eskert­kishke, Elbasynyń músin-tulǵasyna qyzyǵa da qýana kóz tastap ja­tyrmyz. Eskertkish  Ankaranyń eń kó­rik­ti jeriniń biri “Gemchılık” or­ta­lyq parkinde turǵyzylǵan. Jal­py bıiktigi – 5 metr 10 santımetr, eskertkishtiń tuǵyry granıtten, al músin tulǵasy taza qoladan quıyl­ǵan. Avtory skýlptor Gıýrsel Chataltepe. Saltanatty shara Qazaqstan men Túrkııanyń memlekettik án­uran­darynyń oryndalýymen ári qaraı jalǵasty. Odan keıin, re­timen aıtqanda, Ankara qalasynyń meri Melıh Gókchek, Túrkııa Uly Ulttyq Májilisiniń Tóraǵasy Meh­met Álı Shahın jáne Qazaqstan Parlamenti Májilisiniń Tóraǵasy Oral Muhamedjanov sóz sóılep, osynaý aıtýly sharaǵa, úlken oqı­ǵaǵa baılanysty pikirlerin bil­di­rip, Qazaqstan men Túrkııa ara­syn­daǵy yntymaqtastyqqa, dostyq qa­tynastarǵa qatysty oı-paıym­da­ryn ortaǵa saldy. Nursultan Na­zar­baevtyń eki el arasyndaǵy yn­tymaqtastyqty damytýdaǵy eren eńbegin, qosqan úlesin aıryqsha atap ótti. Qazaqstan basshysyna Túrkııanyń tórinde ornatylǵan eskertkish soǵan berilgen baǵa ekenin rızashylyqpen aıtty. Túrki halyqtarynyń aldynda sińirgen asa zor eńbegi úshin An­ka­ranyń ortalyǵynda Qazaqstannyń Tuńǵysh Prezıdenti Nursultan Nazarbaevqa eskertkish ornatý jó­nin­degi túrik aǵaıyndarymyzdyń shy­naıy baýyrlastyq sheshimin qazaqstandyqtar asa zor yqy­las­pen qarsy aldy, dedi Májilis Tór­aǵasy Oral Muhamedjanov salta­natty rásimde sóılegen sózinde. Nursultan Nazarbaev – álemdegi mańyzdy oqıǵalar barysyna jar­qyn da eleýli úles qosqan tarıhı qaıratker. Nursultan Nazarbaev Qazaqstan tarıhynda Túrik Res­pýb­lıkasynda Mustafa Kemal Atatúrik sııaqty aıryqsha oryn alady. Búgingi kúni Qazaqstanda Nursultan Nazarbaev Prezıdent qana emes, Qazaqstan Respýblıkasynyń negi­zin qalaýshy, halyq sanasynda ult tanyǵan Elbasy bolyp tabylady. Nursultan Nazarbaev dara tulǵalyq qasıetiniń arqasynda qoǵamnyń kúsh-jigerin  jańa memlekettiliktiń ne­gizderin qalaýǵa baǵyttap, týǵan eliniń álemdik qoǵamdastyqta laıyqty oryn alýyn qamtamasyz etti. Qazaqstan Parlamenti Máji­li­si­niń Tóraǵasy sóziniń sońynda osy­naý tarıhı sharany  júzege asyr­ǵan Túrik Respýblıkasynyń, Ankara qalasynyń basshylyǵyna qazaq halqynyń atynan týystyq, dostyq rızashyly­ǵyn bildirip, alǵys aıtty. Elbasymyzdyń qa­jyr­ly eńbegin laıyqty baǵalap, qurmet kórsetken týysqan túrik halqyna shyn júrekten  alǵys aıta otyryp, dedi Oral Baıǵonysuly, osy tarıhı oqıǵanyń bizdiń halyqtarymyz arasyndaǵy dostyq baılanystardy odan ári tereńdete túsýge qyzmet etetinine senimdimin. Oral Muhamedjanov keshe, son­daı-aq Túrkııa Uly Ulttyq Máji­li­siniń Tóraǵasy Mehmet Álı Sha­hın­men kezdesti. Kezdesý bary­syn­da taraptar eki el arasyndaǵy par­lamentaralyq baılanystardy ári qaraı tereńdetý jóninde áńgime­lesti. Sonymen qatar, Qazaqstan Parlamenti Májilisiniń Tóraǵasy bastaǵan qazaqstandyq delegasııa An­kara qalasynyń merııasynda boldy. Sol kúni, sondaı-aq Qa­zaqstan Respýblıkasynyń Máde­nıet mı­nıstri M.Qul-Muhammed pen Túrik Respýblıkasynyń Tý­rızm jáne mádenıet mınıstri A.Gýnaıdyń, Qazaqstan Respýb­lı­ka­synyń Týrızm jáne sport mı­nıstri T.Dosmuhan­betov pen Túrik Respýblıkasynyń Memlekettik mınıstri F.Nafız О́zaktyń kez­desýleri boldy. Al eskertkishtiń ashylý sal­ta­natyna Syrtqy ister mınıstriniń birinshi orynbasary Nurtaı Ábi­qaev, Prezıdent Ákimshiligi Bas­shy­synyń orynbasary Baýyrjan Baıbek qatysty. Sýretti túsirgen S.MAILYBAEV.