111 adamnyń nátıjesi joıyldy

Ǵylym jáne joǵary bilim mınıstrliginiń deregine súıensek, testke qatysýshylardyń 76,8%-y qazaq tilinde, 23,1%-y orys tilin­de, 46 adam aǵylshyn tilinde testileýden ótti. Shekti baldy 70%-ǵa jýyq talapker jınady. Testileý nátıjesi boıynsha ortasha ball 65 baldy qurady. Eń joǵary ball – 137, muny eki oqýshy jınady. Talapkerlerdiń basym bóligi, ıaǵnı 16,9%-y «Matematıka-fızıka» jáne «Bıologııa-hımııa» pánder kombınasııasyn tapsyrdy. 10,3%-y «Shyǵarmashylyq emtıhandy» qolaı kórgen. Eń az tańdalǵan kombınasııa – «Hımııa-fızıka», bul baǵytty 105 adam tańdaǵan.

Qazirgi tańda 111 adamnyń nátıjesi joıyldy. Onyń ishin­de 70 talapker smartfon jáne shpargalka sııaqty tyıym sa­lyn­ǵan zattardy alyp ótý áre­keti saldarynan test tapsyrý múmkindiginen aıyryldy, al testileý kezinde erejelerdi buz­­ǵany úshin aýdıtorııadan 41 adam shyǵaryldy. О́zge tulǵalar anyqtalǵan joq. Bıylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylatynyn alda test tapsyratyndardyń esine sala ketken jón. Buǵan de­ıin habarlaǵanymyzdaı, qańtar UBT-sy 13 qańtar men 10 aqpan aralyǵynda ótedi. Testi­leý­ge qa­ty­sýǵa 167 myńǵa jýyq talap­ker nıet bildirgen.