Emdeý oryndary kóbeıdi

Qazirde «Aýyl – el besigi» baǵ­dar­lamasy aıasynda Úrjar aýylynda 10 tósektik kúndizgi stasıo­nar men 50 adam qabyldaıtyn dári­ger­lik ambý­latorııa salý joba­sy iske asyrylyp jatyr. Oblystyq densaýlyq saqtaý basqarmasynyń basshysy Talǵat Moldabekov aýyl­daǵy beıindi mamandar tap­shy­lyǵyn sheshý baǵytynda da maq­sat­ty jumystar júrgizilip jat­qanyn málim etti. Tis dárigeri, hırýrg, akýsher-gınekolog sııaqty mamandardy tolyqtyrý máselesi keleshekte sheshimin tappaq.

«Kadr tapshylyǵy máselesin sheshýge 8,5 mln teńge kóleminde kóterme járdemaqy bólý qaras­ty­­rylǵan. Biz bıyl asa tapshy mamandyqtardyń tizimin anyq­taý jónindegi jumysty jalǵas­ty­ramyz. Kadrlar daıarlaýǵa da erekshe kóńil bólinedi. 2024 jyly jergilikti bıýdjet qarajaty esebi­nen oblystyń 80 dárigeri shetelde tájirıbesin shyńdady. 15 maman Reseı, Germanııa, Ázerbaıjannyń jetekshi me­dısınalyq mekeme­le­rin­de taǵy­lymdamadan ótti. Bul baǵ­dar­lama biliktilikti arttyrýǵa, aýyl medısınasy jumysyna zamanaýı tásilderdi engizýge baǵyt­tal­ǵan», deıdi basqarma basshysy.

Oblysta aýyl turǵyndaryna 9 jyljymaly medısınalyq keshen qyzmet kórsetedi. Olar 173 eldi mekendegi turǵyndardyń den­saýlyǵyn baqylaýǵa alǵan. О́tken jyly 64 435 adamdy tekserýmen qamtý josparlansa, is júzinde 56 233 turǵyn medısınalyq kómek­ke júgingen.

Aýyl medısınasyn damytý­dyń negizgi baǵyttarynyń biri – ma­terıaldyq-tehnıkalyq bazany jańartý. 2024 jyly 1,3 mlrd teńgeden astam somaǵa 200 medı­sı­nalyq tehnıka satyp alyndy. Bıyl 1,2 mlrd teńgege 182 jab­dyq­tar satyp alý jospary júzege asyrylady.

Abaı oblysy