Senimdi seriktestik aıasynda

Kezdesýde saýda-ekonomı­kalyq yntymaqtastyq, ınves­tısııa, AО́K, kólik jáne logıstıka, energetıka, mádenı-gýmanıtarlyq sala, týrızm jáne basqa da salalar­daǵy ózara is-qımyldy keńeıtý máseleleri talqylandy.

Premer-mınıstr Mem­le­ket basshysy Qasym-Jomart Toqaev pen QHR Tór­aǵasy Sı Szınpın arasyn­daǵy qarqyndy ári sen­imdi baı­lanystar serpindi ekono­mıkalyq yntymaqtastyqtyń negizi ekenin basa aıtty.

Kelissóz barysynda taraptar eki el arasyndaǵy saýda-ekonomıkalyq áriptestiktiń qalyptasqan joǵary deńgeıin atap ótti. 2024 jyldyń qory­tyn­dysy boıynsha ekijaqty taýar aınalymy 9%-ǵa ósip, 43,8 mlrd dollarǵa jetti. Eki mem­leket basshylary qoı­ǵan ózara saýda kólemin eki esege arttyrý jónindegi mindet­terge qol jetkizý maqsa­tyn­da úkimetter taýar aınaly­myn ár­taraptandyrýǵa baǵyt­­tal­ǵan qolda bar áleýet­ti keńeı­tý boıynsha birles­ken jumys júrgizip keledi. Osyǵan baı­la­nysty Qazaqstan tarapy jet­kiziletin ónim nomenk­latýra­syn odan ári keńeıtý­diń, onyń ishinde Qytaı tarapynyń astyq júkterin vagondardyń barlyq túri boıyn­sha qabyl­daýyn ulǵaıtý, sondaı-aq QHR-ǵa eksport­taý­shylar tizi­limine jańa otan­dyq ká­siporyndardy engizý ar­qy­ly Qytaı nary­ǵyna eli­miz­den astyq eksportyn artt­yrýdyń mańyz­dylyǵyn atap ótti.

Budan basqa, birlesken ın­vestısııalyq jobalardy iske asyrý máseleleri qaraldy. Qytaı Qazaqstannyń 5 úzdik ınvestorynyń qataryna kiredi. Búgingi tańda 11 myń jumys orny ashý arqyly 8,7 mlrd dollarǵa 62 qazaq-qytaı jobasy iske asyryldy, 17,4 myń jumys ornyn ashatyn 13,5 mlrd-qa 55 joba – iske asy­rý saty­synda. Jalpy, pýlǵa 60,5 mlrd dol­lardan astam 222 ınves­tısııalyq joba kiredi.

Sondaı-aq tranzıt­tik-kólik salasyndaǵy ynty­maqtas­tyqty nyǵaıtýǵa basa naz­ar aýdaryldy. «QTJ» UK» AQ derekteri boıynsha 2024 jyldyń 11 aıynda Qazaqstan men QHR arasynda júk tasymaldaý kólemi 2023 jyldyń sáıkes kezeńimen salystyrǵanda 13%-ǵa ósip, 29,3 mln tonnany qurady. Júk tasymalyn odan ári arttyrý úshin qazaq-qytaı shekarasynda jańa ótkizý pýnktterin ashý jáne qoldanystaǵy ót­kizý pýnktterin jańǵyrtý, son­daı-aq shekara mańyndaǵy keme qa­tynasyn damytý jónin­de birlesken sharalar qa­byl­daýdyń mańyzy naqtylandy.

Kezdesý qorytyndysy boıynsha taraptar ekijaqty ózara is-qımyldyń barlyq negizgi baǵyttary boıynsha áriptestikti nyǵaıtý jáne birlesken jumysty kúsheıtý nıetterin rastady.